Ադրբեջանի նախագահ Իլհամ Ալիևը հայտարարել է, որ դեմ չէ հանդիպել Հայաստանի վարչապետ Նիկոլ Փաշինյանի հետ, եթե այն կազմակերպի ԵԱՀԿ Մինսկի խումբը:
«Որպես երկրի ղեկավար իմ պաշտոնավարման ամբողջ ընթացքում ես հեռախոսազրույցներ չեմ վարել Հայաստանի ղեկավարներից որևէ մեկի հետ: Թերևս սա ամենաճիշտ ճանապարհը չէ: Բայց եթե Մինսկի խմբի համանախագահները նման հանդիպում առաջարկեն, մենք, իհարկե, չենք առարկի», - ասել է նա երեքշաբթի France 24 հեռուստաալիքին տված հարցազրույցում: