Բավ է պառակտվել
19-02-2021 10:01

Արա Այվազյանը փետրվարի 23-ին կայցելի Հայաստանի ԱԺ, նստաշրջանը խոստանում է թեժ լինել․ լրատվամիջոցներ

Փետրվարի 24-ին Պաշտպանության և ազգային անվտանգության հարցերի հանձնաժողովը կքննարկի «Հայաստանը պաշտպանելիս զինծառայողների կյանքին կամ առողջությանը պատճառված վնասի փոխհատուցման մասին» օրենքում փոփոխությունների նախագիծը:

Հայաստանի արտգործնախարար Արա Այվազյանը փետրվարի 23-ին կայցելի Հայաստանի Ազգային ժողով, որտեղ կհանդիպի տարածաշրջանային և եվրասիական ինտեգրման հարցերի մշտական հանձնաժողովի անդամների հետ: Այս մասին գրում է ուրբաթ «Ժողովուրդ» թերթը՝ հղում անելով իր տեղեկություններին:

Պարբերականը նշում է, որ քննարկման թեման կլինի հետպատերազմյան Հայաստանի առջև ծառացած մարտահրավերները տարածաշրջանային և եվրասիական ինտեգրման ճանապարհին: Հաջորդ շաբաթ Հայաստանի խորհրդարանում տեղի կունենան խորհրդարանական հանձնաժողովների նստաշրջաններ, իսկ մարտի 2-ին կմեկնարկի օրենսդիր մարմնի հաջորդ նստաշրջանը:

«Ժողովուրդը» նշում է, որ փետրվարի 24-ին Պաշտպանության և ազգային անվտանգության հանձնաժողովը կքննարկի «Հայաստանը պաշտպանելիս զինծառայողների կյանքին կամ առողջությանը հասցված վնասի փոխհատուցման մասին» օրենքում փոփոխությունների նախագիծը: Այս նախագիծն առաջարկում է փոխել զինծառայողների ապահովագրության ֆոնդին վճարված միջոցների չափը:

Պետա իրավական հարցերի հանձնաժողովը կքննարկի սահմանադրական օրենքները: Այսպես, հակակոռուպցիոն կոմիտեի ստեղծման մասին օրենքը, ինչպես նաև Դատական օրենսգիրքը պետք է անցնեն երկրորդ ընթերցում: Ընդհանուր առմամբ, խորհրդարանի հաջորդ նստաշրջանը խոստանում է թեժ լինել:

Կան առանցքային հարցեր. Արցախի կարգավիճակի հստակեցման հարցը մնացել է. ԱԳ նախարար
Արա Այվազյանը նշել է Հայաստանի ԱԳՆ ղեկավարի պաշտոնից իր հրաժարականի պատճառը (տեսանյութ)
Այվազյանը և Լավրովը բանակցություններ կվարեն Ռուսաստանում, հանդիպման օրը հայտնի է
Ունեզրկում, թե բյուջե լցնում․Գույքահարկի նոր օրենք թեժ քննարկման թեմա
ՀՀ-ն ամենաբարձր մակարդակով հետապնդում է ռազմագերիների վերադարձման խնդիրը. ԱԳ նախարար