Հայաստանը կարող է ռազմաքաղաքական դաշինք ստեղծել և գործարկել Իրանի հետ՝ իր անվտանգության մակարդակը զգալիորեն բարձրացնելու համար, կարծում է Երևանի պետական համալսարանի արևելագիտության ֆակուլտետի իրանագիտության ամբիոնի վարիչ Վարդան Ոսկանյանը։
Այս համատեքստում փորձագետը նշել է, որ Բաքվի բարբարոս վարչակարգին ամենից շատ անհանգստացնում են Հայաստանի ձեռնարկած աննախադեպ ու անսպասելի գործողություններն ու քայլերը։
«Բաքվի և Էրդողանի ռեժիմների միջև ձևավորված «Թուրանական դաշինքին» հակազդելու համար Հայաստանը պետք է հավատարիմ մնա Թուրքիային հավասար կամ գերազանցող ցանկացած տարածաշրջանային գերտերության հետ անվերապահ դաշինք ստեղծելու ծրագրին։ Հեռահար նպատակներով նման երկարաժամկետ դաշինք՝ հիմնված հստակ գաղափարական բաղադրիչների վրա, այժմ կարող է ձևավորվել միայն Իրանի հետ»,- գրել է իրանագետն իր հեռագրային ալիքում։