Բացի բանակի արդիականացումից, անհրաժեշտ է նաև տարածաշրջանում բարենպաստ միջավայրի ձևավորումը, նշել է Հայաստանի կառավարության ղեկավարը։
Հայաստանը հատկապես մեծ ուշադրություն կդարձնի պաշտպանությանն։ Այս մասին ասել է վարչապետ Նիկոլ Փաշինյանը հինգշաբթի կառավարության նիստին։
Երկրի պաշտպանունակության ամրապնդման համատեքստում վարչապետը նշել է, որ Հայաստանի համար կարևոր է ոչ միայն բանակի արդիականացումն ու վերազինումն, այլ և Հայաստանի շուրջ բարենպաստ միջավայրի ձևավորումը։
Նրա խոսքով, Երևանը կձգտի Հայաստանի և Արցախի համար խաղաղ զարգացման դարաշրջան բացելու օրակարգի հետևողական իրագործմանը։
Խոսելով տարածաշրջանային կայունության մասին՝ նա շեշտել է ենթակառուցվածքների ապաշրջափակման և զարգացման կարևորությունը։ Փաշինյանը վստահ է, որ այս խնդրի լուծումը լրացուցիչ խթան կհանդիսանա հայկական տնտեսության զարգացման համար և կապահովի աճ, կմեծացնի դրա գրավչությունն օտարերկրյա ներդրողների համար։
Հիշեցնենք, որ 2021 թվականի հունվարի 11-ին Հայաստանի, Ռուսաստանի և Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի միջև բանակցություններից հետո հայտարարվեց, որ ստեղծվելու է աշխատանքային խումբ՝ երեք երկրի փոխվարչապետների գլխավորությամբ: Ստեղծվել են հետևյալ փորձագիտական ենթախմբերը. երկաթուղային, ավտոմոբիլային և համակցված փոխադրումների, փոխադրումների ապահովման հարցերի, ներառյալ անվտանգությունը, սահմանային, մաքսային, սանիտարական, անասնաբուժական, բուսասանիտարական և այլ տեսակի հսկողությունը: Հանձնաժողովի աշխատանքը ժամանակավորապես դադարեցվել էր սահմանին իրավիճակի սրման պատճառով, սակայն վերջին շրջանում եռակողմ ձևաչափով հանդիպումները վերսկսվել են: