Հայկական կողմը պատրաստ է երեք սահմանային անցակետ բացել Ադրբեջանի հետ սահմանին, լրագրողներին ասաց ՀՀ պետական եկամուտների կոմիտեի ղեկավար Ռուստամ Բադասյանը։
«Անցակետի շահագործումը սկսելու համար անհրաժեշտ ամենն արդեն արված է, և հայկական կողմը միայն սպասում է Ադրբեջանի որոշմանը։ Գործընթացը, կարելի է ասել, ավարտված է, եթե մյուս կողմը պատրաստ է օգտվել այդ անցակետերի ծառայություններից, ապա. մենք պատրաստ ենք»,- ասաց նա։
Բադասյանը նշեց, որ Հայաստանի իշխանության համար տարածաշրջանի ապաշրջափակումն ընդունելի օրակարգ է, և այդ ուղղությամբ քայլեր են ձեռնարկվել։
Այս տարվա հոկտեմբերին Հայաստանի Ազգային անվտանգության խորհուրդը շրջանառության մեջ դրեց Ադրբեջանի հետ սահմանին՝ Սոթքում, Երասխում և Քարահունջում երեք սահմանային անցակետերի ստեղծման նոր նախագիծ։
Այնուհետև Հայաստանի վարչապետ Նիկոլ Փաշինյանը հայտարարեց, որ Երևանը սպասում է Ադրբեջանի դրական արձագանքին սահմանային անցակետերը բացելու առաջարկին։ Նա բազմիցս ընդգծել է պատրաստակամությունը՝ ապահովելու Հայաստանի տարածքով կապը Ադրբեջանի արևմտյան շրջանների և Նախիջևանի միջև՝ ՀՀ օրենսդրությամբ սահմանված կարգով երաշխավորելով այդ երթուղու անվտանգությունը։