Բավ է պառակտվել
24-09-2021 16:00

Հայաստանը պատրաստ է Թուրքիայի հետ հարաբերությունների առանց նախապայմանների կարգավորմանը․ ԱԽ քարտուղար

Հայաստանը պատրաստ է Թուրքիայի հետ հարաբերությունների առանց նախապայմանների կարգավորմանն, ասել է ուրբաթ Հայաստանի Անվտանգության խորհրդի քարտուղար Արմեն Գրիգորյանը կառավարությունում ճեպազրույցի ժամանակ։

Գրիգորյանը հիշեցրել է, որ և՛ նախնտրական փուլում, և՛ ընտրություններից հետո Հայաստանում խոսվել է ամբողջ տարածաշրջանում խաղաղության հաստատման, խաղաղության և կայունություն ապահովելու դարաշրջան բացելու մասին և այդ տրամաբանության շրջանակներում, նրա խոսքով՝ պետք է կարգավորել հարաբերությունները Թուրքիայի հետ։

«Այդ կարգավորումը պետք է լինի աստիճանաբար։ Մենք համոզված ենք, որ այդ հարաբերությունների կարգավորման հնարավորություններից մեկը բարձրագույն մակարդակում երկխոսություն ունենալն է»,- ասել է նա։

ԱԽ քարտուղարը հայտարարել է, որ հայկական կողմը բազմիցս կրկնել է, որ Թուրքիայի հետ հարաբերությունները պետք է կարգավորվեն առանց նախապայմանների, քանի որ երբ երբ նախապայմաններ են լինում՝ դժվար է լինում որևէ հարցում առաջընթաց ունենալ։

«Մենք հույս ունենք, որ հարաբերությունների կարգավորում կլինի առանց նախապայմանների, և հնարավորություն կստեղծվի երկխոսություն սկսել առանց դրանց։ Բոլոր գոյություն ունեցող հարցերը հետագայում քննարկելի են, բայց նախապայմաններով հարաբերություններ սկսելը շատ դժվար կլինի»,- ասել է նա։

Ավելի վաղ ՀՀ վարչապետ Նիկոլ Փաշինյանը հայտարարել էր, որ երկրի կառավարությունը Թուրքիայի նախագահի հայտարարություններում հնարավորություն է տեսնում խոսել հարաբերությունների կարգավորման, հայ-թուրքական երկաթուղիների և մայրուղիների գործելու վերսկսման մասին: Փաշինյանը խոսել է նաև «Թուրքիայից ստացվող դրական ազդակների» մասին՝ տարածաշրջանային խաղաղության համատեքստում: «Մենք կգնահատենք այս ազդակները և դրական ազդակներին կպատասխանենք դրական ազդակով», - ասել է նա:

Իր հերթին, Էրդողանն ասել է, որ Թուրքիան պատրաստ է Հայաստանի հետ հարաբերությունների աստիճանական կարգավորմանը՝ հաշտարար հայտարարությունների ֆոնին, և նա տեսնում է «դրական» ազդակներ:

«Մենք հնարավորություն ենք տեսնում քննարկել Հայաստան-Թուրքիա հարաբերությունների կարգավորումը»․ Փաշինյան
Թուրքիան լուրջ սպառնալիք է Հայաստանի համար․ԱԳՆ ղեկավար
Կալիֆորնիան խզել է տնտեսական հարաբերությունները Թուրքիայի հետ
Հայաստանի իշխանությունները հասարակությանը պատրաստում են երկիրը Թուրքիային հանձնելուն․ Զոհրաբյան
Թուրքիայի F-16 կործանիչի կողմից խոցվել է ՀՀ ԶՈւ ՍՈւ-25 գրոհիչ