Բավ է պառակտվել
14-06-2022 19:00

Հայաստանն ու Բուլղարիան կարևորում են «Պարսից ծոց-Սև ծով» տրանսպորտային միջանցքի ստեղծումը

Պաշտոնական այցով Բուլղարիայում գտնվող ՀՀ ԱԳ նախարար Արարատ Միրզոյանը հանդիպում է ունեցել հանրապետության նախագահ Ռումեն Ռադևի հետ։

Անդրադառնալով տրանսպորտային ենթակառուցվածքների ոլորտում միջազգային համագործակցության հեռանկարներին՝ զրուցակիցները կարևորել են «Պարսից ծոց-Սև ծով» տրանսպորտային միջանցքի ստեղծման ուղղությամբ ինտենսիվ աշխատանքների իրականացումը, հայտնում է ՀՀ ԱԳՆ մամլո ծառայությունը։

Միրզոյանն ու Ռադևը անդրադարձ են կատարել հայ-բուլղարական հարաբերությունների զարգացման հեռանկարներին՝ երկուստեք պատրաստակամություն հայտնելով խորացնելու երկու երկրների միջև քաղաքական երկխոսությունը, առևտրատնտեսական, տրանսպորտի, զբոսաշրջության, կրթական ոլորտներում համագործակցությունը։

Հանդիպման ընթացքում քննարկվել են նաև տարածաշրջանային և միջազգային անվտանգությանն առնչվող հարցեր։

Միրզոյանը Բուլղարիայի նախագահին է ներկայացրել հարավկովկասյան տարածաշրջանում տիրող իրավիճակը, մասնավորապես՝ Հայաստանի և Ադրբեջանի միջև հարաբերություններին, Լեռնային Ղարաբաղի հակամարտության կարգավորման գործընթացին վերաբերող վերջին զարգացումները:

Երկուստեք շեշտվել է, որ Լեռնային Ղարաբաղի հակամարտությունը պետք է կարգավորվի բացառապես խաղաղ բանակցությունների միջոցով։ Այս առումով նախարար Միրզոյանը ընդգծել է ԵԱՀԿ Մինսկի խմբի համանախագահության դերը` ուղղված ԼՂ հակամարտության տևական լուծմանը, և բարձր գնահատել Բուլղարիայի դիրքորոշումը ԵԱՀԿ Մինսկի խմբի համանախագահության մանդատի ներքո հակամարտության կարգավորման վերաբերյալ:

Ի թիվս այլ հրատապ լուծում պահանջող հումանիտար հարցերի՝ շեշտվել է հայ ռազմագերիների և այլ պահվող անձանց հայրեդադարձման, Արցախում հայկական կրոնական և պատմամշակութային կոթողների պահպանման անհրաժեշտությունը:

Հայաստանի ԱԳ նախարարը Բուլղարիայի նախագահին է ներկայացրել նաև Հայաստան-Թուրքիա կարգավորման գործընթացը:

“Հայաստանի մասնատման սպառնալիք”․ հայ քաղաքական գործիչն՝ այսպես կոչված “Զանգեզուրի միջանցքի” մասին
Ռուսաստանը չեղարկել է Հայաստանի հետ տրանսպորտային հաղորդակցության բոլոր սահմանափակումները
Հայաստանում մեկնաբանել են Էրդողանի՝ իր հետ հանդիպելու Փաշինյանի ցանկության և ՀՀ տարածքով միջանցք բացելու հնարավորության մասին հայտարարությունը
Իտալիան ներառել է Հայաստանը և ևս 12 երկիր “սև ցուցակում” համաճարակաբանական վատ իրավիճակի պատճառով
Սև ծովով լաստանավային փոխադրումները ժամանակին չեն սկսվել. Քերոբյան