Չորեքշաբթի Թբիլիսիում ստորագրվել է Հայաստանի և Վրաստանի պաշտպանության նախարարությունների միջև 2022թ. ռազմական համագործակցության ծրագիրը: Այն ստորագրել են ՀՀ ՊՆ նախարար Սուրեն Պապիկյանն ու նրա վրաց գործընկեր Ջուանշեր Բուրչուլաձեն։
Հայաստանի պաշտպանական գերատեսչության մամլո ծառայությունից հայտնում են, որ հանդիպման ընթացքում Պապիկյանն ու Բուրչուլաձեն անդրադարձել են տարածաշրջանային անվտանգությանն առնչվող մի շարք հարցերի:
Նախարարները քննարկել են նաև պաշտպանական ոլորտում երկկողմ համագործակցության զարգացման հեռանկարները ռազմակրթության, փորձի փոխանակման, բարեվարքության և մարդու իրավունքների, սոցիալական ապահովման և այլ ուղղություններով: