Բա՛վ է պառակտվել
23-04-2020 14:05

2018թ.-ից ի վեր Հայաստանը չի վարում բանակցություններ, հիմնված փուլային կարգավորման վրա.ՀՀ ԱԳՆ մամուլի խոսնակ

Վերջին օրերին տարբեր անդրադարձներ են կատարվել ԼՂ խաղաղ կարգավորման շուրջ, որոնցում նշվել է կարգավորման փուլային մոտեցման մասին։

Արդյո՞ք 2019թ. ապրիլի 15-ի հանդիպմանը քննարկվել են ինչ-որ փաստաթղթեր, որոնք ենթադրում են ղարաբաղյան կարգավորման փուլային տարբերակ: Դրա վերաբերյալ ի՞նչ դիրքորոշում է արտահայտել հայկական կողմը: Ո՞րն է Հայաստանի ներկայիս դիրքորոշումը Լեռնային Ղարաբաղի հիմնախնդրի խաղաղ կարգավորման գործընթացում:
«Կոմերսանտ» թերթի այս հարցերին ՀՀ ԱԳՆ մամուլի խոսնակ Աննա Նաղդալյանը պատասխանել է. «2019թ. ապրիլի 15-ի հանդիպման արդյունքները ձևակերպվել են ՀՀ-ի, ՌԴ-ի և Ադրբեջանի ԱԳ նախարարների և ԵԱՀԿ Մինսկի խմբի համանախագահների համատեղ հայտարարության մեջ, որն ուրվագծում է բանակցությունների շրջանակը և չի ներառում որևէ հղում կամ նույնիսկ ակնարկ կարգավորման փուլային տարբերակի մասին:
Հայկական կողմերի համար ընդունելի չէ կարգավորման որևէ տարբերակ, որը չի նախատեսում Արցախի ինքնորոշման իրավունքի առանց որևէ սահմանափակման իրականացումը և կարող է վտանգել Արցախի ժողովրդի անվտանգությունը։
Հայաստանի համար ընդունելի չեն դեռևս մինչև 2018թ. ներկայացված և ղարաբաղյան խաղաղ կարգավորման փուլային տարբերակ ենթադրող առաջարկները: Ավելին, 2018թ.-ից ի վեր Հայաստանը չի վարում բանակցություններ, որոնք հիմնված կլինեն փուլային կարգավորման վրա:
Հայաստանն ունի հստակ տեսլական հավասարակշռված, փոխզիջումների և հավասարարժեք հանձնառությունների վրա հիմնված այն մոտեցումների վերաբերյալ, որոնք հնարավոր կդարձնեն Լեռնային Ղարաբաղի հակամարտության արդար և տևական կարգավորումը»:

 

 

Արմինե Գևորգյան

Այսօր շարունակվում է Արցախի վերաբերյալ Լևոն Տեր-Պետրոսյանի վարած քաղաքականությունը ․Վ․ Բալասանյան
Ղարաբաղյան բանակցային սեղանին կարգավորման փուլային տարբերակ է դրված. Լավրով
Եվրոպական հանձնաժողովն արգելել է հայկական բոլոր ավիաընկերությունների թռիչքները ԵՄ տարածք
Դուք կնոջ զգեստապահարանը փորփրող վարչապետ եք․ Անի Սամսոնյան
ԱԺ –ն կողմ քվեարկեց հակասահմանադրական օրենքի․Նաիրա Զոհրաբյան