ՀԱՊԿ անդամ երկրների ԱԳ և Պաշտպանության նախարարների խորհուրդների և ՀԱՊԿ ԱԽ քարտուղարների կոմիտեի հաջորդ նիստերը նախատեսվում է անցկացնել Հայաստանի Հանրապետությունում՝ 2022 թվականի առաջին կեսին: Այս մասին ասել է ՀԱՊԿ գլխավորքարտուղար Ստանիսլավ Զասը չորեքշաբթի Կազմակերպության նշված մարմինների համտեղ նիստի ընթացքում։
Ըստ նրա՝ այս առիթով առանձին արարողակարգային որոշում է կայացվել։
«Հաշվի առնելով, որ 2021-2022 թվականներին ՀԱՊԿ նախագահությունն անցնում է Հայաստանի Հանրապետությանը, հայկական կողմը տեղեկացրել է մեր կազմակերպության նախագահության ժամանակահատվածում երկրի առաջնահերթությունների մասին»,-ասել է Զասը:
Հանդիպման ընթացքում ԱԳՆ, Պաշտպանության նախարարությունների և Անվտանգության խորհուրդների ղեկավարները քննարկել են ՀԱՊԿ-ը և հաստատել Հավաքական անվտանգության խորհրդի վաղվա (16,09,2021 թ.) նիստի օրակարգը և մանրամասն քննարկել ռազմաքաղաքական իրավիճակը ՀԱՊԿ հավաքական անվտանգության տարածաշրջաններում, դրա ազդեցությունը Կազմակերպության անդամ երկրների անվտանգության վրա և Կազմակերպությունների գործունեությունը նստաշրջանների միջև ընկած շրջանում:
ՀԱՊԿ -ը միջազգային անվտանգության կազմակերպություն է, որին այս պահին անդամակցում է վեց պետություն՝ Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը: Հավաքական անվտանգության պայմանագիրը ստորագրվել է 1992 թվականին Տաշքենդում: Այս տարի կազմակերպությունը նախագահում է Տաջիկստանը: