Հայկական կողմը ստացել է Ադրբեջանի հավաստիացումները Հայաստանի տարածքային ամբողջականությունը ճանաչելու վերաբերյալ, հայտարաել է ՀՀ ԱԳ նախարար Արարատ Միրզոյանը։
«Հայաստանը ճանաչել և ճանաչում է Ադրբեջանի տարածքային ամբողջականությունը, և մենք համապատասխան հավաստիացումներ ենք լսել ադրբեջանական կողմից, որ ճանաչում են Հայաստանի տարածքային ամբողջականությունը», - ասել է նա երկուշաբթի խորհրդարանում 2022 թ. Բյուջեի կատարողականի լսումների ժամանակ։
Միրզոյանը նշել է, որ տարածքների մակերեսների ճշգրիտ նշումը, որոնց շրջանակներում կողմերը ճանաչում են միմյանց ամբողջականությունը, անհրաժեշտ է առավել հստակության համար և քաղաքական որոշում է։
Ինչպես ավելի վաղ հայտարարել էր ՀՀ վարչապետ Նիկոլ Փաշինյանը, կողմերը եկել են փոխըմբռնման, որ Ադրբեջանը կճանաչի 29800 քառ. կմ Հայաստանի տարածքային ամբողջականությունը, իսկ Հայաստանը ճանաչում է Ադրբեջանի 86,6 հազար քառ. կմ տարածքային ամբողջականությունը (որը ներառում է և՛ Լեռնային Ղարաբաղը, և՛ Հայաստանի կողմից վերահսկվող ադրբեջանական անկլավները)։
