Բավ է պառակտվել
29-04-2021 15:06

Հայաստանի իշխանությունները չպետք է վախենան աշխատել Ղրիմի հետ․ Մուրադով

Վոխվարչապետը կարծում է, որ Հայաստանի և թերակղզու մեջ համագործակցության հսկայական չօգտագործված ներուժ կա։

Հայաստանը չպետք որևէ մեկից վախենա Ղրիմի հետ կապեր հաստատելու հարցում, ասել է լրագրողներին Երևանում Ղրիմի փոխվարչապետ, Ղրիմի Ինքնավար Հանրապետության՝ Ռուսաստանի նախագահին առընթեր մշտական ներկայացուցիչ Գեորգի Մուրադովը:

Նա վստահ է, որ այսօր Հայաստանի և Ղրիմի միջև առկա է տնտեսական, մշակութային համագործակցության հսկայական ներուժ, հատկապես հաշվի առնելով Ղրիմում բազմադարյա հայկական ներկայությունն ու դրանից բխող ավանդական կապերը: Ինչ վերաբերում է նույն Արևմուտքի կողմից հնարավոր հակազդեցությանը, ապա Մուրադովը հիշել է «Դոբրոլետ» ավիաընկերության հետ կապված պատմությունը։

«Եկեք հիշենք «Դոբրոլետ» ավիաընկերության հետ կապված պատմությունը, որը Ռուսաստանի հետ վերամիավորումից հետո սկսեց դեպի Ղրիմ փոխադրումներ իրականացնել։ Այո, ընկերության դեմ պատժամիջոցներ կիրառեցին, ինչը արդյունքում հանգեցրեց դրա սնանկացմանը։ Բայց այդ ժամանակ հավաքվեցին բոլոր ռուսական ավիաընկերությունները՝ «Աերոֆլոտը», «Սիբիրը», «Յամալը» և մյուսները և որոշեցին միաժամանակ չվերթներ սկսել դեպի Ղրիմ։ Արդյունքում ամառային շրջանում մենք մինչև 300 չվերթ ենք ունեցել»,-ասաց Մուրադովը՝ պատասխանելով Sputnik Արմենիայի հարցին։
Նրա խոսքով՝ ավիափոխադրումների դեպքը ցույց է տալիս, որ եթե կա միասնություն՝ ոչ մի պատժամիջոց և ոչ մի հակազդեցություն սարսափելի չէ:
Մուրադովը գտնվում է Երևանում «Հայաստանում Ղրիմի օրերի» շրջանակում։ Ի պատասխան Sputnik Արմենիայի այն հարցին, թե հանդիպել է արդյոք նա Լեռնային Ղարաբաղի իշխանությունների հետ, Մուրադովը հայտարարեց, որ նման առաջարկներ չեն եղել, բայց իր ղարաբաղցի ընկերների հետ հասցրել է հանդիպել:
«Մենք տեսնվում ենք, մենք շփվում ենք և մենք պետք է շփվենք։ Տվյալ դեպքում ես կարող եմ շփվել ոչ միայն որպես պաշտոնյա։ Ես նաև մարդ եմ։ Ինձ անհնար է թելադրել, թե ով պետք է իմ ընկերը լինի, ով՝ ոչ»,- հավելեց նա։
Մեկնաբանելով Ուկրաինայի ուղղությամբ Թուրքիայի աճող դիվանագիտական ակտիվությունը, ինչպես նաև Ղրիմը ռուսական չճանաչելու մասին Անկարայի բազմաթիվ հայտարարությունները՝ Մուրադովն ասաց, որ նման սադրանքների հետևում Արևմուտքն է կանգնած։ Նա հիշեցրեց «Ապաօկուպացիայի ղրիմյան հարթակ» նախաձեռնության մասին, որն ամեն կերպ առաջ են մղում Թուրքիան, ԱՄՆ-ն և ԵՄ-ն։ Ղրիմի ներկայացուցիչը դա բացարձակ սադրանք անվանեց։
«Նրանք դրանից ոչ մի լավ բան չեն ստանա՝ բացի սեփական անվտանգության խնդիրներից»,-կարծում է Ղրիմի փոխվարչապետը։
Նա ենթադրում է, որ Թուրքիային ձեռնտու է, որ «Ղրիմը գտնվի քանդվող Ուկրաինայի կազմում» և, Անկարայի տեսանկյունից, այդ դեպքում իրենց «կհաջողվեր վերցնել իրենց պատկանողը»։ Թուրքիային պետք չէ, որ Ղրիմը գտնվի ամուր և կայուն ռուսական պետության կազմում։
Մուրադովը հիշեցրեց, որ 18-րդ դարավերջին Ռուսական և Օսմանյան կայսրությունների միջև ստորագրված բոլոր պայմանագրերը ոչ ոք չի չեղարկել։ Դրանցում հստակ արձանագրված է, որ Թուրքիան ճանաչում է Ղրիմի ռուսական կարգավիճակը։

Հայաստանի ՊՆ նախարարը հանդիպել է հրամանատար Մուրադովի հետ
Ռուստամ Մուրադովը գերիների նոր խմբի հետ Բաքվից վերադառձավ Հայաստան
Իշխանությունները հրահանգել են Հայաստանում անջատել ինտերնետն ու բջջային հեռախոսակապը
Հայաստանն Անդրկովկասում Ռուսաստանի առանցքային դաշնակիցն ու գործընկերն է․ ՌԴ ԳՇ պետ
Սասուն Խաչատրյանը նշանակվեց հակակոռուպցիոն կոմիտեի նախագահ