Ադրբեջանը խոչընդոտում է հումանիտար բեռների մուտքը Լաչինի միջանցք և Լեռնային Ղարաբաղ։ Կառավարության այսօրվա նիստում հայտնել է ՀՀ վարչապետ Նիկոլ Փաշինյանը։
«Այս գործելակերպը անհասկանալի է և անընդունելի»,-ասել է Փաշինյանը։
Նրա խոսքով՝ Լաչինի միջանցքը ապօրինի արգելափակելու Ադրբեջանի պատճառաբանությունն այն էր, թե իբր, Հայաստանը միջանցքն օգտագործում էր ռազմական բեռներ տեղափոխելու նպատակով։
«Սա իհարկե անհեթեթություն է»,- ասել է Փաշինյանն ու ներկայացրել երեկ Հայաստանից Արցախ մարդասիրական աշտոշարասյան պարունակությունը՝ ալյուր, մակարոնեղեն, շաքարավազ, բուսական յուղ, մանկական կեր, կաթի փոշի և այլ սննդամթերք։
Փաշինյանը հիշեցրել է նաև, որ Երևանից բեռնատարների մեկնելուց առաջ դրանց պարունակությունը ներկայցվել է Հայաստանում հավատարմագրված դիվանագիտական ներկայացուցչությունների ղեկավարներին։
«Ինչո՞ւ Ադրբեջանը թույլ չի տալիս բեռների մուտքը Լեռնային Ղարաբաղ, որովհետև Բաքվի իրական նպատակը Լեռնային Ղարաբաղի ժովորդին սովամահ անելն ու ցեղասպանության ենթարկելն է», -ասել է Փաշինյանը:
Նա նշել է, որ ապրանքների անցումը միայն կնպաստի տարածաշրջանում խաղաղություն հաստատելու ջանքերին։
Հայաստանից Արցախ 19 բեռնատարներից բաղկացած շարասյունը 400 տոննա մարդասիրական օգնությունով (սնունդ, մանկական սնունդ, դեղորայք) երեկվանից սպասում է Լաչինի միջանցքով Արցախ մտնելու։
Հայկական լրատվամիջոցների փոխանցմամբ՝ ռուս խաղաղապահները բանակցում են ադրբեջանական կողմի հետ։
