Ադրբեջանն իր գործողություններով նպատակ է հետապնդում էթնիկ զտման ենթարկել Լեռնային Ղարաբաղի հայությանը: Այս մասին շաբաթ օրը կայացած հանդիպմանը Ֆրանսիայի Ազգային ժողովի նախագահ Յաել Բրաուն-Պիվետին ասել է Հայաստանի արտգործնախարար Արարատ Միրզոյանը, հաղորդում է ՀՀ ԱԳՆ մամուլի ծառայությունը։
Քննարկվել է Ադրբեջանի կողմից Լեռնային Ղարաբաղը Հայաստանին և աշխարհին կապող միակ կյանքի ճանապարհի` Լաչինի միջանցքի շրջափակման հետևանքով օրեցօր ահագնացող հումանիտար իրավիճակը։
Նախարարը երախտագիտություն է հայտնել Ադրբեջանի կողմից Հայաստանի ինքնիշխան տարածքի նկատմամբ ագրեսիայի և Լաչինի միջանցքի ապօրինի արգելափակման առնչությամբ տարբեր մակարդակներում և ձևաչափերում Ֆրանսիայի սկզբունքային դիրքորոշման համար: