Բա՛վ է պառակտվել
13-12-2019 13:46

ԱԺ անդամները հոտնկայս ծափահարեցին ԱՄՆ Սենատի կողմից բանաձևի ընդունման համար

Ազգային ժողովի այսօրվա նիստը սկսվեց ԱԺ նախագահ Արարատ Միրզոյանի հայտարարությամբ, որով նա Հայաստանի խորհրդարանի երեք խմբակցություններին ողջունեց ԱՄՆ Սենատի, իսկ դրանից առաջ՝ Ներկայացուցիչների պալատի ընդունած բանաձևերը Օսմանյան կայսրությունում հայերի ցեղասպանության ճանաչման առթիվ։
«Այս կարևոր քվեարկությամբ Միացյալ Նահանգները միացավ ցեղասպանությունների կանխարգելմանն ուղղված համաշխարհային շարժմանը։ Այս առիթով ուզում եմ հատկապես շնորհակալություն հայտնել սենատորներ Մենենդեսին և Կրուզին, ինչպես նաև դրանից առաջ՝ կոնգրեսական Շիֆին, և հայ ազգի բոլոր մյուս բարեկամներին Կոնգրեսի երկու պալատներում՝ այս օրինագծի նախաձեռնության և պաշտպանության համար», - հայտարարեց Արարատ Միրզոյանը։
ԱԺ նախագահն առանձին երախտիքի խոսքեր հղեց ԱՄՆ-ում Հայ դատի գրասենյակին և ԱՄՆ-ում Հայկական ասամբլեայի բոլոր ընկերներին, ովքեր տարիներ շարունակ ջանքեր չեն խնայել այս կարևոր արձանագրմանը հասնելու համար։
«Որպես ՀՀ ԱԺ նախագահ՝ ուզում եմ ընդգծել նաև մեր հանձնառությունը ջանքեր չխնայել Հայոց ցեղասպանության ճանաչման և արդարացի հատուցման համար։ Մենք՝ որպես ցեղասպանություն տեսած ժողովրդի ժառանգներ, հանձնառու ենք առաջամարտիկը լինել մարդկության դեմ ուղղված հանցագործությունների կանխմանը, որպեսզի այլևս երբեք մարդկության պատմության մեջ նման ամոթալի էջեր չգրանցվեն», - հայտարարեց Ազգային ժողովի նախագահը։

Աշխարհի հայտնիներն արձագանքել են ԱՄՆ Ներկայացուցիչների պալատի կողմից Հայոց ցեղասպանության բանաձևի ընդունմանը (լուսանկարներ)
ԱՄՆ ներկայացուցիչների պալատը կողմ է քվեարկել Հայոց ցեղասպանության ճանաչման բանաձևին
Փորձագետը նշել է Հայոց ցեղասպանության նոր բանաձևի երեք առանձնահատկությունները
Հայաստանի Գերագույն հոգևոր խորհուրդը ողջունում է Ներկայացուցիչների պալատի կողմից Հայոց ցեղասպանության վերաբերյալ բանաձևի ընդունումը
«Եթե փակենք ամեն ինչ, պետք է մարդկանց փող տանք» ․Մարուքյան