Հարավկովկասյան տարածաշրջանում ուժերի հարաբերակցությունը փոխվում է՝ հաշվի առնելով, ի թիվս այլ բաների, Ռուսաստանի հետ կապված իրադարձությունները։ Այդ մասին Երևանում կայացած մամուլի ասուլիսում հայտարարել է ԱՄՆ Կոնգրեսի Ներկայացուցիչների պալատի Ժողովրդավարական գործընկերության հանձնախմբի նախագահ Դեյվիդ Փրայսը։
«Որոշ ուժեր այլեւս նախկինի պես արմատական չեն, վստահաբար կարող ենք ասել, որ փոփոխություններ կլինեն, հիմա բավականին ինտենսիվ քննարկումներ են ընթանում մեր գործընկերների հետ, մասնավորապես, թե ինչպիսի փոփոխություններ են լինելու, այդ թվում՝ անվտանգության ոլորտում»,- ասել է Փրայսը։