Ամերիկայի Հայ դատի հանձնախումբը (ANCA) կոչ է արել ԱՄՆ Կոնգրեսին չեղարկել Ադրբեջանին տրամադրվող ռազմական օգնությունը և խստացնել նախագահ Բայդենի լիազորությունները 907-րդ ուղղումը մերժելու հարցում։
ANCA-ն նշում է, որ չնայած Հայաստանի և Արցախի դեմ Ադրբեջանի շարունակվող ագրեսիային, նախագահ Ջո Բայդենը ևս մեկ անգամ չեղարկել է 907-րդ ուղղման սահմանափակումները, որը նախատեսում է ԱՄՆ օգնությունը Ադրբեջանի նախագահ Իլհամ Ալիևի կոռումպացված և հակահայկական ռեժիմին։ Սա, ասվում է կոմիտեի հաղորդագրության մեջ, խրախուսում է Ալիևին շարունակել ապօրինի կերպով պահել հայ ռազմագերիներինլ, հարձակվել Արցախի վրա և օկուպացնել Հայաստանի ինքնիշխան տարածքի մի մասը։
«ANCA-ն կշարունակի աշխատել ԱՄՆ Սենատի և Ներկայացուցիչների պալատի ղեկավարների հետ՝ չեղյալ համարելու ԱՄՆ ռազմական օգնությունը Ադրբեջանին և սահմանափակելու նախագահի լիազորությունները 907-րդ հոդվածից հրաժարվելու հարցում», - ասել է ANCA-ի գործադիր տնօրեն Արամ Համբարյանը:
«Ազատության աջակցության մասին ակտի» 907-րդ ուղղումը նախկինում արգելում էր ԱՄՆ կառավարությանը օգնություն տրամադրել Ադրբեջանին՝ կապված այդ երկրի կողմից Հայաստանի և ԼՂՀ-ի շրջափակման հետ։