ԱՄՆ պետքարտուղար Էնթոնի Բլինքենը Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հետ հանդիպման ժամանակ ընդգծել է խաղաղ գործընթացին վերադառնալու կարևորությունը։
Սա Միրզոյանի և Բայրամովի առաջին ուղիղ հանդիպումն է սահմանային վերջին մարտերից հետո։
Պետդեպարտամենտի կայքի հաղորդմամբ՝ Բլինքենը ցավակցություն է հայտնել զոհվածների կապակցությամբ և նշել հետագա ռազմական գործողությունները կանխելու անհրաժեշտությունը։
Զրուցակիցները քննարկել են հետագա քայլերը, և պետքարտուղարը կողմերին հորդորել է կրկին հանդիպել մինչև ամսվա վերջ։