Ռուսաստանի արտգործնախարարության պաշտոնական ներկայացուցիչ Մարիա Զախարովան հաստատել է գրոհայինների ներկայությունը ղարաբաղյան հակամարտության գոտում ՝ շեշտելով այս հարցը լուծելու անհրաժեշտությունը:
Այս մասին նա ասել է ուրբաթ օրը ԱԳՆ-ում կայացած ճեպազրույցի ընթացքում,, պատասխանելով հարցին, որ Ռուսաստանը հաստատել է Մերձավոր Արևելքից Ղարաբաղի տարածաշրջան զինյալներին տեղափոխելու փաստը և կպատժվեն արդյո՞ք մեղավորները:
«Ցավոք, այնտեղ տեղափոխված գրոհայինները չեն անհետացել և հօդս չեն ցնդել։ Սա կոնկրետ տեղեկատվություն է, որը հիմնված է առկա փաստերի վրա, սա միայն ռուսական կողմը չէ, որ հաստատել է, բայց մենք նրանց մասին խոսեցինք հայտնի դառնալուն պես և ներկայացրեցինք մեր փաստարկներն» - ասել է Զախարովան:
Ըստ նրա, ռուսական կողմը ելնում է նրանից, որ այս հարցը կլուծվի, և տարածաշրջանում խաղաղության մեջ հետաքրքրված բոլոր կողմերը պետք է ջանք գործադրեն դրան:
«Մեր կողմից դրանով զբաղվում են ռազմական փորձագետները: Բայց կարծում եմ, որ այս հարցը պահանջում է նախ մասնագետների կոնկրետ աշխատանք, ապա արդյունքների մասին զեկույց, և ոչ թե հակառակն», - ասել է Զախարովան:
Ավելի վաղ Ռուսաստանի արտաքին հետախուզական ծառայության տնօրեն Սերգեյ Նարիշկինը հայտարարել էր, որ Ռուսաստանի Դաշնության ԱՀԾ-ն ստացել է ճշգրիտ տվյալներ, այդ թվում ՝ Մերձավոր և Միջին Արևելքի երկրների գործընկեր հետախուզական ծառայություններից ղարաբաղյան մարտերում Սիրիայից տեղափոխված զինյալների մասնակցության վերաբերյալ։