Հայաստանի Ազգային ժողովը դեմ քվեարակեց ընդդիմության առաջարկած «Սահմանագծման և սահմանազատման հիմնախնդիրների» մասին նախագծի քննարկմանը։
Կողմ քվեարկեց 33 պատգամավոր, դեմ՝ 64։
«Անկասկած, Հայաստանի և Արցախի սահմաններին տիրող իրավիճակը մտահոգություն է առաջացնում մեր ժողովրդի մեջ։ Հարցն օրակարգում ընդգրկելով՝ նաև հնարավորություն է ստեղծվում ուսումնասիրել և քննարկել այսօր սահմանում տիրող իրավիճակը։ Հանձնաժողովի բացասական եզրակացություն տալու որոշումն անընդունելի է, մասնավորապես, «Հայաստան» խմբակցության համար»,- ասաց «Հայաստան» ընդդիմադիր խմբակցության ղեկավար, Սահմանագծման և սահմանազատման հիմնախնդիրների մասին հայտարարության նախագծի հիմնական զեկուցող Սեյրան Օհանյանը։
Նա նշեց, որ Արցախում 44-օրյա պատերազմից հետո պարտությունների շարքը շարունակվում է, և դա «անմիջական անդրադարձ ունի այն իրավիճակին, որը տիրում է այս սահմաններում»։
«Ոչ ոք չի ասում, որ մենք խաղաղության չենք ձգտում և սահմանները չպետք է հստակեցվեն, հակամարտող կողմը պետք է դառնա հարևան հանրապետություն: Սա խաղաղության համար համապատասխան պայմանների ստեղծման առաջին նախապայմանն է, և այդ շրջանակներում պետք է իրականացվեն սահմանագծումն ու սահմանազատումը։ Մենք գտնում ենք, որ միջոցառումները ժամանակավրեպ են և լուրջ հարված կհասցնեն ՀՀ տարածքային ամբողջականությանը, Արցախի Հանրապետության ինքնիշխանությանը, մեծ քար կնետվի նաև իր իսկ պատմական տարածքում Արցախի ինքնորոշման հնարավորությունների վրա»,- ասաց Օհանյանը։
Նա առաջարկեց հարցն ընդգրկել լիագումար նիստի օրակարգում և քննարկել սահմաններին տիրող իրավիճակը։
ԱԺ արտաքին հարաբերությունների մշտական հանձնաժողովի անդամ, հարակից զեկուցող Հռիփսիմե Գրիգորյանն իր հերթին հայտարարեց, որ «Հայաստան» խմբակցության ներկայացրած նախագիծը նոր չէ։
«Քննարկվել է բաց և փակ ռեժիմներում, բացասական կարծիք է ստացել արտաքին հարաբերությունների հանձնաժողովում, մերժվել է խորհրդարանի կողմից, առաջին մասը, որը դատապարտում է պատերազմի հետևանքները, կրկնություն է. ԱԺ-ն արդեն չորս անգամ նման հանդես է եկել նման հայտարարությամբ»,- ասաց Գրիգորյանը։
Նրա խոսքով, երկրորդ մասը, որը պարունակում է ընդդիմադիր հռետորաբանություն, կոչ է անում Հայաստանի օրինական իշխանությանը մնալ ՀՀ Սահմանադրության և միջազգային պարտավորությունների շրջանակներում։ Հիմնավորումն անվստահություն է պարունակում իշխանություններին նկատմամբ, ինչը ճիշտ չէ և չի կարող ընդունվել իշխող մեծամասնության կողմից։ Սա կարող է թուլացնել Հայաստանի դիրքերը բանակցային սեղանի շուրջ։
Երրորդ մասի ռնչությամբ, որը վերաբերվում է սահմանագծմանը և սահմանազատմանը, նա նշեց, որ Հայաստանի շահերից է բխում այս գործընթացը չկապել ղարաբաղյան կարգավորման հետ։ Սահմանագծումն ու սահմանազատումը վերաբերում են Հայաստանի և Ադրբեջանի պետական սահմաններին, իսկ Լեռնային Ղարաբաղի խնդիրը ոչ թե տարածքային ամբողջականության, այլ ժողովուրդների ինքնորոշման խնդիր է։
«Այդ հարցերի կորելյացիան չի բխում Հայաստանի շահերից, հետևաբար մեզ համար անընդունելի է, կոչ եմ անում դեմ քվեարկել»,- ասաց Գրիգորյանը։
2021 թվականի դեկտեմբերի 7-ին Հայաստանի խորհրդարանն արդեն մերժել էր «Հայաստան» ընդդիմադիր խմբակցության՝ «Սահմանագծման և սահմանազատման հիմնախնդիրների մասին» հայտարարության նախագիծը։ «Հայաստան» խմբակցության ղեկավար Սեյրան Օհանյանն այն ժամանակ ընթերցեց հայտարարություն, որում ընդդիմությունը պահանջում էր գնահատական տալ ադրբեջանա-թուրքական ագրեսիային. կատարել բոլոր պայմանավորվածությունները Հայաստանում գործող օրենսդրական գործընթացներին համապատասխան, սահմանագծման և սահմանազատման հարցերում չանել քայլեր, որոնք կվնասեն Արցախին, արագ վերակառուցել բանակը, ամրապնդել սահմանները և բարելավել, հստակեցնել ու կատարելագործել հարաբերությունները ռազմավարական գործընկերների հետ՝ պետության անվտանգության ազգային և միջազգային երաշխիքների ամրապնդման նպատակով։