ՌԴ նախագահ Վլադիմիր Պուտինը հայտարարել է, որ ի պատասխան Դոնբասի հանրապետությունների ղեկավարների կոչին՝ որոշում է կայացրել հատուկ ռազմական գործողություն իրականացնել։ Ռուսաստանը չի նախատեսում օկուպացնել ուկրաինական տարածքները, սակայն հանդես է գալիս Ուկրաինայի ժողովուրդների ինքնորոշման իրավունքի օգտին։ ՏԱՍՍ-ը հայտնում է կարևորն այս ժամին։
- Թուրքիայի նախագահ Ռեջեփ Թայիփ Էրդողանը Ուկրաինայում ստեղծված իրավիճակի հետ կապված անվտանգության հարցերով արտակարգ խորհրդակցություն է հրավիրել։ Այն կանցկացվի Անկարայի նախագահական նստավայրում՝ Մոսկվայի ժամանակով 11:00-ին, որին կմասնակցեն Թուրքիայի ազգային պաշտպանության նախարար Հուլուսի Աքարան, ինչպես նաև Թուրքիայի նախագահի պաշտոնական ներկայացուցիչ Իբրահիմ Կալինը։
- Լուգանսկի շրջանի Ուկրաինայի կողմից վերահսկվող հատվածում հայտարարվել է բնակիչների տարհանում, հայտարարել է Լուգանսկի ռազմաքաղաքացիական վարչակազմի ղեկավար Սերգեյ Գայդայը։ Նա կոչ է արել ավտոմեքենաների սեփականատերերին շարժվել դեպի Դնեպր քաղաք։ Ինքնուրույն տարհանվելու հնարավորություն չենոցող անձինք կտարհանվեն Լիսիչանսկ, Ռուբեժնոյե և Սվատովո երկաթուղային կայարաններից, նշել է Գայդայը։
- Չեղարկվել է ավելի քան 70 չվերթ Մոսկվայից դեպի Ռուսաստանի հարավ։
- Շվեդիայի արտաքին գործերի նախարար Անն Լինդը դատապարտել է Ռուսաստանի Դաշնության գործողությունները Ուկրաինայում և կոչ արել Ուկրաինայում մնացած թագավորության հպատակներին պահպանել անվտանգության առավելագույն միջոցներ: «Ես խստորեն դատապարտում եմ Ռուսաստանի շարունակվող ներխուժումն Ուկրաինա: Ուկրաինայում Շվեդիայի քաղաքացիներին կոչ է արվել պահպանել անվտանգության առավելագույն միջոցներ: Երեկ ուշ երեկոյան ողջ դիվանագիտական անձնակազմը տեղափոխվել է Լվով, դեսպանությունը շարունակում է աշխատել այնտեղից», - ասել է նա: .
- Դանիայի արտգործնախարար Յեպպե Կուֆուդն իր հերթին նույնպես դատապարտել է Ռուսաստանի Դաշնության գործողությունները։ Նա պնդում է, որ «հակամարտության պատասխանատվությունը կրում է Ռուսաստանը»։ «Ռուսաստանը կրում է ամբողջ պատասխանատվությունը այս անհարկի հակամարտության համար: Մենք սերտորեն կհամակարգենք մեր գործողությունները դաշնակիցների և գործընկերների հետ հնարավորինս ուժեղ միջազգային արձագանքի համար», - գրել է նա Twitter-ում:
- Ուկրաինայում ռազմական գործողություն իրականացնելու ՌԴ նախագահ Վլադիմիր Պուտինի որոշումը հարկադրված էր, քանի որ Ուկրաինայի զինված ուժերի ամենօրյա գործողությունները Ռուսաստանին պարտավորեցնում են արձագանքել և կանխարգելիչ քայլեր ձեռնարկել, ասել է Պետդումայի փոխխոսնակ Սերգեյ Նևերովը։
- Եվրոպական խորհրդի ղեկավար Շառլ Միշելը հեռախոսազրույց է ունեցել Ուկրաինայի նախագահ Վլադիմիր Զելենսկու հետ՝ հայտնելով Բրյուսելի համերաշխությունը Կիևին։ «Խոսել ենք նախագահ Զելենսկու հետ՝ խստագույնս դատապարտելու Ռուսաստանի չարդարացված լայնածավալ ռազմական ագրեսիան Ուկրաինայի դեմ և արտահայտելու մեր ամենավճռական համերաշխությունը Ուկրաինայի հետ»,- գրել է նա Twitter-ում։
- Մեծ Բրիտանիայի վարչապետ Բորիս Ջոնսոնը հրավիրում է կառավարության Cobra արտակարգ հանձնաժողովի նիստ՝ կապված Ուկրաինայում իրավիճակի սրման հետ, հայտնում է BBC-ն։
- Ճապոնիայի վարչապետ Ֆումիո Կիսիդան Ազգային անվտանգության խորհրդի արտակարգ նիստ է հրավիրել՝ կապված Ուկրաինայում Ռուսաստանի Դաշնության հատուկ ռազմական գործողության մեկնարկի հետ։ Ազգային անվտանգության խորհրդի հրատապ նիստ անցկացնելու համար Ճապոնիայի խորհրդարանը ստիպված է եղել դադարեցնել խորհրդարանի ստորին պալատի բյուջետային հանձնաժողովի նիստը, որին ամբողջ կազմով մասնակցում էր Կիշիդայի կաբինետը։ Հաղորդվում է նաև, որ վարչապետի աշխատակազմը գործարկել է ճգնաժամային շտաբ՝ Ուկրաինայում տիրող իրավիճակի հետ կապված տեղեկատվության հավաքագրման և վերլուծության համար։
- Գերագույն Ռադան Ուկրաինայում մտցրել է ռազմական դրություն։
- Լեհաստանը խնդրում է ՆԱՏՕ-ին գործի դնել դաշինքի պայմանագրի 4-րդ հոդվածը՝ խորհրդակցություններ սկսել անվտանգությանը սպառնալիքի դեպքում, ասել է ճեպազրույցում Լեհաստանի կառավարության խոսնակ Պյոտր Մյուլերը։
«ՆԱՏՕ-ում մեր մշտական ներկայացուցչությանը հանձնարարվել է [ՆԱՏՕ-ի պայմանագրի] 4-րդ հոդվածը գործարկելու հայտ ներկայացնել՝ իրավիճակի ընդհանուր մոնիտորինգի համար», - ասել է նա, ընդգծելով, որ «նման հայտ արդեն ներկայացվել է»։ Հյուսիսատլանտյան պայմանագրի չորրորդ հոդվածը նախատեսում է ՆԱՏՕ-ի խորհրդի գումարումխորհրդակցությունների համար, եթե դաշինքի երկրներից մեկը կարծում է, որ առկա է սպառնալիք իր անվտանգությանը։ Լեհաստանի իշխանությունները նախապես հայտնել էին, որ դաշնակիցների հետ քննարկում են այս մեխանիզմի գործարկումը՝ կապված լեհ-բելառուսական սահմանին միգրացիոն ճգնաժամի հետ։
- Դոնբասից ավելի քան 105 հազար մարդ է տարհանվել Ռուսաստան, հայտնել է աղբյուրը։
- «Բելավիա» ընկերությունը հայտարարել է դեպի հարավ երեք չվերթի՝ դեպի Թել Ավիվ, Ստամբուլ և Սոչի չեղարկման մասին։ «Քաղաքացիական ավիացիայի թռիչքների համար Ռուսաստանի օդային տարածքի մի մասի փակման պատճառով «Բելավիա» ավիաընկերությունը ստիպված է չեղարկել 2022 թվականի փետրվարի 24-ի չվերթերը՝ Մինսկ - Ստամբուլ - Մինսկ, Մինսկ - Թել Ավիվ - Մինսկ, Մինսկ - Սոչի - Մինսկ երթուղիներով», - ասվում է ընկերության մամլո հաղորդագրությունում։
- Ռուսաստանի պաշտպանության նախարարությունը հերքել է Ուկրաինայի երկնքում ռուսական ինքնաթիռի խոցման մասին լուրերը։
– Ավստրիան խստորեն դատապարտում է Ուկրաինայի դեմ Ռուսաստանի ռազմական գործողությունն, ասել է կանցլեր Կարլ Նեհամերը։ «Մենք խստորեն դատապարտում ենք Ռուսաստանի նոր հարձակումները Ուկրաինայի տարածքային ամբողջականության և ինքնիշխանության վրա: Մեր մտքերը Ուկրաինայի ժողովրդի հետ են այս դժվարին ժամերին: Սա չի կարող անպատասխան մնալ»,- գրել է Նեհամմերը Twitter-ում: Նրա խոսքով, նա քննարկել է ԵՄ-ի պատասխան գործողությունները Եվրամիության ղեկավարության հետ։ «ԵՄ-ն կարձագանքի արագ, համերաշխ և միանշանակ: Մենք մեր եվրոպացի գործընկերների և համախոհների հետ համակարգում ենք Ռուսաստանի դեմ հետագա գործողությունները», - ասել է Նեհամերը:
- Էստոնիայի վարչապետ Կայա Կալլասը հինգշաբթի ուկրաինական իրադարձություններից հետո խնդրել է ՆԱՏՕ-ի խորհրդատվություններ անցկացնել դաշինքի անդամ երկրների պաշտպանությունն ուժեղացնելու շուրջլ։ «Ռուսաստանի լայնածավալ ռազմական ագրեսիան վտանգ է ներկայացնում ողջ աշխարհի և ՆԱՏՕ-ի բոլոր պետությունների համար, հետևաբար անհրաժեշտ է սկսել ՆԱՏՕ-ի խորհրդակցությունները դաշինքի անդամ երկրների պաշտպանությունն ուժեղացնելու հարցով՝ ձեռնարկելու լրացուցիչ միջոցներ ՆԱՏՕ-ի անդամ երկրների անվտանգությունն ամրապնդելու համար»,- մեջբերում է նրա խոսքերը Էստոնիայի կառավարության հաղորդակցման բյուրոն։ «Ռուսական լայնածավալ ագրեսիային ամենածանրակշիռ պատասխանը միասնությունն է։ Ես հավաստիացնում են Էստոնիայի ողջ ժողովրդին, որ ուղղակի ռազմական սպառնալիք չկա։ Էստոնիայի անվտանգությանը և Էստոնիայում և մեր արտաքին սահմանին իրավիճակը հանգիստ է։ Կառավարությունը նախապատրաստվել է այս ճգնաժամին, մենք մշտապես հետևում ենք իրավիճակին և կապահովենք մարդկանց անվտանգության զգացում»։
-Սևաստոպոլի դպրոցները, մանկապարտեզներն ու ձեռնարկություններն աշխատում են սովորական ռեժիմով, իրավիճակը հանգիստ է, ասել է քաղաքի նահանգապետ Միխայիլ Ռազվոժաևը։ Նա նշել է, որ պաշտպանում է նախագահ Վլադիմիր Պուտինի՝ հատուկ ռազմական գործողություն իրականացնելու որոշումը։ «Սա արվում է, ի թիվս այլ բաների, Ղրիմի և Սևաստոպոլի բնակիչներին պաշտպանելու համար: 2014թ․ Սևաստոպոլն անցավ «ռուսական գարնան» միջով, կատարեց իր ընտրությունը, բայց Ուկրաինան չճանաչեց դա: Այն, ինչ ութ տարի կատարվում է Դոնբասում նույնպես ուղղակիորեն վկայում է այն մասին, որ Ուկրաինայի իշխանությունները չեն հանդարտվի»,- ասել է Ռազվոժաևը։
- Ուկրաինայի Զինված ուժերի գլխավոր շտաբը հայտարարել է, որ հինգշաբթի օրը ժամը 05:00-ից (Մոսկվայի ժամանակով 06:00-ից) Ռուսաստանի զինված ուժերը ինտենսիվ հարձակումներ են իրականացնում ուկրաինական ռազմական օբյեկտների և օդանավակայանների վրա։ Ուկրաինայի զինված ուժերը հայտարարել են, որ հետ են մղում հարձակումը։ «Երկրի պաշտպանական ուժերը գտնվում են լիարժեք մարտական պատրաստության մեջ, նրանք զբաղեցրել և պահում են պաշտպանական դիրքերը։ Իրավիճակը վերահսկելի է։ Օդեսայում ռուսական զորքերի վայրէջքի մասին տեղեկատվությունը չի համապատասխանում իրականությանը», - հավելել է Ուկրաինայի գլխավոր շտաբը։
- Լեհաստանը տարհանում է Օդեսայում գտնվող հյուպատոսությունը։
- ԴԺՀ-ի ժողովրդական միլիցիայի վարչության պետի տեղակալ Էդուարդ Բասուրինը ուկրաինացի զինվորականներին կոչ է արել վայր դնել զենքը: «Ես կոչ եմ անում ուկրաինացի զինվորականներին վայր դնել զենքը: Փրկեք ձեր կյանքը։ Հետո դուք կկարողանաք վերականգնել ձեր երկիրը, մենք միասին կվերականգնենք խաղաղ կյանքն», - ասել է նա ՏԱՍՍ-ի թղթակցի հետ զրույցում:
- Ուկրաինայի սահմանային ծառայությունը պնդում է, որ Ռուսաստանի զինված ուժերը բելառուսական բանակի աջակցությամբ հարձակվել են Բելառուսի հետ սահմանի վրա։
-Ղրիմի իշխանությունները երկու օրով ընդհատել են ուսումնական գործընթացը թերակղզու հյուսիսային շրջանների դպրոցներում, որոնք մոտ են Ուկրաինային։ Դպրոցները չեն աշխատի Ջանկոյսկի շրջանում և Ջանկոյ քաղաքում, Կրասնոպերեկոպսկի շրջանում և Կրասնոպերեկոպսկ քաղաքում, Ռազդոլնոյե գյուղում, Արմյանսկ քաղաքում, Չեռնոմորսկի և Լենինսկի շրջաններում: