Ինչ է տեղի ունենում Ուկրաինա ռուսական զորքեր մտցնելուց հետո: Քրոնիկոն․ օր իններորդ

Վերջին օրերի քրոնիկոնը և մարտի 4-ի հայտարարությունը

16։12։ Սթոլթենբերգ. ՆԱՏՕ-ն մերժում է Ուկրաինայի վրայով ոչ թռիչքային գոտի ստեղծելու կոչերը.

16:03. Կառավարությունը քննարկում է 2020թ․-ին գործող սնանկության մորատորիումը վերսկսելու հնարավորությունը, որը ենթադրում է ժամանակավոր արգելք պարտատերերի՝ պարտապանի անվճարունակության հայց ներկայացնելու հարցում, հայտնում է Коммерсант-ը։ Որպես հնարավոր տարբերակ է քննարկվում այս միջոցի վեց ամսով ներդրումը։ Մորատորիումն առաջարկվում է տարածել ոչ միայն ընկերությունների և անհատ ձեռնարկատերերի վրա, ինչպես նախկինում էր, այլ նաև ֆիզիկական անձանց վրա։

15։59։ Սթոլթենբերգ. ՆԱՏՕ-ն բաց կպահի Ռուսաստանի հետ ռազմական հաղորդակցության ուղիները՝ միջադեպերից խուսափելու համար.

15։59։ Սթոլթենբերգ. ՆԱՏՕ-ն լրացուցիչ աջակցություն կտրամադրի Վրաստանին և Բոսնիա և Հերցեգովինային՝ Ուկրաինայի հակամարտության համատեքստում.

15:58. Սթոլթենբերգ. ՆԱՏՕ-ն կարծում է, որ առաջիկա օրերին Ուկրաինայում իրավիճակը կվատթարանա, ավելի շատ զոհեր և վիրավորներ կլինեն. ՆԱՏՕ-ն Ռուսաստանին կոչ է անում անհապաղ դուրս բերել զորքերը Ուկրաինայից և սկսել բանակցությունները։

15:47։ ԱՀԴ. դադարեցված արտարժույթային ծառայությունների վերսկսումը սպասվում է մարտի 9-ից.

15:46. ՌԴ ԱԳՆ․ Ռուսաստանին «պատժելու» մի շարք երկրների ձգտումը լուրջ ծախսերի կհանգեցնի Արկտիկայի խնդիրների համատեղ լուծման համար

15:42. «Էխո Մոսկվի»-ի լուծարման կապակցությամբ այն կջնջի սոցիալական ցանցերի բոլոր կորպորատիվ հաշիվները և կանջատի կայքը, հայտնում է ռադիոկայանը։

15:41։ Թուրքիայի ԱԳ նախարար. երկիրը այն քիչ երկրներից է, որն ընդունակ է երկխոսություն հաստատել ինչպես Ռուսաստանի, այնպես էլ Ուկրաինայի հետ։

15:38. Դաշնային խորհուրդը հավանություն է տվել պատժամիջոցների պայմաններում քաղաքացիներին և բիզնեսին աջակցելու համալիր միջոցառումների մասին օրենքին։

15:36. Ռուսաստանի դեմ տեխնոլոգիական պատժամիջոցների համատեքստում Թվային զարգացման նախարարությունն առաջարկում է հեռահաղորդակցության օպերատորներին թույլատրել «սակագների արդար ինդեքսավորում», այսինքն՝ գների բարձրացում։ Այն կոչված է օգնելու նրանց, ի թիվս այլ հարցերի, լուծել սարքավորումների ձեռքբերման հարցը, որի միայն 20%-ն է արտադրվում Ռուսաստանում։

15:35։ Global Ports-ը սահմանափակում է էքսպորտային բեռնարկղերի ընդունումը Սանկտ Պետերբուրգի տերմինալներում:

15:34. Fazer-ը կասեցնում է շոկոլադի և քաղցրավենիքի արտահանումը Ֆինլանդիայից Ռուսաստան՝ Ուկրաինայում ստեղծված իրավիճակի պատճառով։

15։27։ Դաշնային խորհուրդը հաստատել է ՌԴ զինված ուժերի գործողությունների մասի կեղծիքների և ԶՈւ վարկաբեկման համար պատասխանատվության մասին օրենքը՝ առավելագույնը 15 տարվա ազատազրկմամբ։

15։27։ Դաշնային խորհուրդը հավանություն է տվել Ռուսաստանի Դաշնության դեմ պատժամիջոցներ կիրառելու կոչերի համար մինչև երեք տարվա ազատազրկմամբ քրեական պատասխանատվության մասին օրենքին։

15։26։ Մատվիենկո. Արևմուտքը իսկական տեղեկատվական պատերազմ է սկսել Ռուսաստանի Դաշնության դեմ՝ աննախադեպ մասշտաբներով և ատելության կենտրոնացումով։ Ռուսաստանի Դաշնությունում էլ կան սրան ընդունակ մարդիկ։

15։24։ Ուկրաինայում իրավիճակի սրման պատճառով առնվազն 1,25 մլն մարդ ստիպված է եղել մեկնել հարևան երկրներ։ Նրանցից 672 հազարը ժամանել է Լեհաստան, 194 հազարը՝ Մոլդովա, 133 հազարը՝ Հունգարիա, հայտնել են Ժնևում Միգրացիայի միջազգային կազմակերպությունից (ՄՄԿ)։

15։21։ Hitachi-ն կասեցնում է արտադրությունը Տվերի գործարանում և սարքավորումների արտահանումը Ռուսաստան, հայտնել են ընկերությունը:

15։17։ ՌԴ մարդու իրավունքների պաշտպան Տատյանա Մոսկալկովա. ՌԴ Զինված ուժերի գործողությունների մասին կեղծիքներ տարածելու համար քրեական պատասխանատվության մասին օրենքը ստեղծվել է հանրային պահանջով և բավարարում է այսօրվա կարիքները, մինչդեռ կարևոր է այն կիրառելիս խուսափել չարաշահումներից։

15։15։ Սենատորները հավանություն են տվել ռուսաստանցիների իրավունքները ոտնահարող օտարերկրացիների ակտիվների առգրավման և նրանց նկատմամբ սահմանափակումներ մտցնելու մասին օրենքին։

15։14։ Դաշնային խորհուրդը երկարաձգել է կապիտալի համաներման ժամկետը, որը նախատեսում է ազատում քրեական պատասխանատվությունից։

15:09. Պեսկով. ռուս-ուկրաինական տարվող բանակցությունների արդյունքում որևէ փաստաթուղթ ստորագրելու մասին խոսք չկա.

15:05. Պեսկով. նախագահը ժամանակին կհանդիպի մշակույթի ոլորտի աշխատողների հետ, սակայն այժմ կարևոր է կենտրոնանալ տնտեսության վրա։ Նա հորդորել է «չհակամարտելլ» մշակութային այն գործիչների հետ, ովքեր դեմ են արտահայտվում Ուկրաինայում ռազմական գործողությանը։

15:04. Պեսկով. Անձնական պատժամիջոցները հաջողության շանս չունեն, եթե դրանց նպատակն է դրդել հասցեատերերին հրաժարվել Ռուսաստանի Դաշնության նախագահին աջակցելուց։

15:02. Ռուսաստանի տուրօպերատորների ասոցիացիան (ՌՏՕԱ/ATOR) մարտի 2-ից գրանցել է մոտ ապագայում արտասահմանյան տոմսերի աժիոտաժային պահանջարկ, դրանց գները զգալիորեն աճել են, Ստամբուլը և Դուբայը դարձել են ամենապահանջված ուղղություններն, հայտնել են ասոցիացիայից։

14:59. Պեսկով. Ռուսաստանը բանակցությունների ընթացքում չի հրաժարվել Ուկրաինայի ապազգայնացման գաղափարից.

14:58. Պեսկովը՝ ԱՄՆ-ի մասին. որքան էլ ցանկանաս՝ դժվար է նրանց գործընկեր անվանել.

14:45. Michelin գաստրոնոմիական ուղեցույցը սառեցնում է բոլոր նախագծերը Ռուսաստանում.

14:38. Չեռնոգորիայի արտաքին գործերի նախարարությունը ռուս դիվանագետին պերսոնա նոն գրատա է հայտարարել, նա պետք է լքի երկիրը 72 ժամվա ընթացքում։

14:36. Ռուսաստանի Դաշնության Ֆինանսների նախարարությունը մարտի 9-ից դադարեցնում է ֆիզիկական անձանց համար դաշնային պատատոմսերի տեղաբաշխումը։

14:34. Ռուսաստանի ՄԻԽ-ի ղեկավարը ՌԻԱ Նովոստիին ասել է, որ մահապատիժը վերադարձնելու հարցը կարող է կրկին ծագել ռազմական հանցագործությունների հետաքննության ժամանակ, այդ թվում՝ Դոնբասում։

14:33. Ռուսաստանի Դաշնության հետ համատեղ նախագծերից օտարերկրյա գործընկերների հրաժարումը որոշակի վնաս է հասցնում, սակայն նախագծերի շրջանակներում դրված խնդիրները միևնույն է կլուծվեն։

14։29։ Եվրահանձնաժողով. ԵՄ-ն չի բացառում, որ SWIFT-ից անջատված ռուսական բանկերի ցանկը կարող է ընդլայնվել։

14:27. Ural Airlines ավիաընկերությունը չեղարկել է Թաիլանդ թռիչքները մինչև մայիսի վերջ։

14։25։ S-Group ֆիննական հոլդինգը, որը շահագործում է 16 Prisma սուպերմարկետները և երեք Sokos հյուրանոցները Սանկտ Պետերբուրգում, կդադարեցնի ամբողջ գործունեությունը Ռուսաստանում, հայտնել են Коммерсант-ին S-Group-ից: Որոշումն այնտեղ բացատրվել է վերջին «հիմնարար փոփոխություններով գործարար միջավայրում»։

14։12։ Պուտինն ասել է, որ Լուկաշենկոյի հետ քննարկել է Բալթյան ծովում Բելառուսի տրանսպորտային ներկայության հարցերը և հանձնարարել է աջակցել այդ նախագծերին։

14։11։ Եվրահանձնաժողովը հայտարարել է, որ նոր պայմանագրեր չի կնքի ռուսական հետազոտական ​​կազմակերպությունների հետ։

14:08. «Հյուսիսային հոսք - 2» գազատարի օպերատոր Nord Stream 2 AG ընկերությունը սնանկության հայց է ներկայացրել, հայտնում է ՏԱՍՍ-ը՝ վկայակոչելով ընկերությանը։ Ավելի ուշ գործակալությունը հերքել է հաղորդագրությունը։

14:05. Պուտին. Մենք ոչ մի վատ մտադրություն չունենք մեր հարևանների նկատմամբ, մենք կոչ ենք անում նրանց ելնել դրանից, մտածել հարաբերությունների կարգավորման մասին։

14:03. Պուտինը՝ «Մարշալ Ռոկոսովսկի» լաստանավի վրա պետական ​​դրոշի բարձրացման արարողությանը. որքան էլ դժվար չլինի, Ռուսաստանը կշարունակի իր զարգացումը, ամբողջ երկրում կամրապնդվեն տրանսպորտային և լոգիստիկ ենթակառուցվածքները.

14:02. Ուրբաթ օրը «նուրբ կարգավորման» (аукцион "тонкой настройки") աճուրդի արդյունքներով ռուսական բանկերը 1 տրիլիոն ռուբլի են ներդրել ԿԲ դեպոզիտներում։

13:51։ Ռուսաստանի Դաշնության փոխվարչապետ Յուրի Բորիսովը՝ պատժամիջոցների մասին. սրանք ոչ միայն սահմանափակումներ են, այլ նաև հնարավորություններ.

13:50. Լոնդոնի ICE բորսայի տվյալները վկայում են, որ Եվրոպայում գազի գինը կրկին բարձրացել է 1000 խմ-ի դիմաց 2000 դոլարից․

13:48. Գերմանիայի կանցլերը հեռախոսազրույց է ունեցել Զելենսկու հետ ատոմակայանի շուրջ ստեղծված իրավիճակի շուրջ, հայտնում են Գերմանիայի կառավարությունից

13:48. ՄԱԿ-ի Մարդու իրավունքների խորհուրդը քվեարկել է Ուկրաինայում ռուսական հատուկ գործողության համատեքստում իրավունքների խախտումների հետաքննության օգտին։

13:45։ Ռուսաստանի Դաշնության Կենտրոնական բանկը մարտի 5-ի համար դոլարի փոխարժեքը նվազեցրել է 105,81 ռուբլու, եվրոյինը՝ 116,53 ռուբլու։

13:41։ Քաղաքային իշխանությունները չեն համաձայնեցրել մարտի 12-ին քաղաքում մի շարք զանգվածային միջոցառումներ՝ համաճարակաբանական իրավիճակի պատճառով զանգվածային միջոցառումների արգելքի պատճառով, հայտնել են տարածաշրջանային անվտանգության վարչությունից։ Այդ օրը նախատեսված էր երկու երթ՝ թե՛ ընդդեմ, թե՛ ի պաշտպանություն Ռուսաստանի ռազմական գործողության Ուկրաինայում։

Հիշեցնենք, որ նախօրեին համաճարակաբանական իրավիճակի բարելավման ֆոնին Մոսկվայում հանվել են մի շարք սահմանափակումներ։ Միաժամանակ շարունակում է գործել զանգվածային հրապարակային ակցիաների անցկացման արգելքը։

13:31։ Մոլդովայի օդային տարածքը փակ կլինի երկրում մտցված արտակարգ դրության ողջ ընթացքում, որը մտցվել է փետրվարի 24-ին 60 օր ժամկետով, հայտնում է հանրապետության քաղաքացիական ավիացիայի վարչությունը։

13։28։ Մոսկվայի բորսա. բորսայում արտարժույթ գնելիս ներմուծող ընկերություններից 12% միջնորդավճար չի գանձվի:

13։22։ Ազգային հաշվարկային դեպոզիտարիան (ԱՀԴ/НРД) կասեցրել է եվրոյի, ֆունտի, ֆրանկի և կանադական դոլարի առքուվաճառքի գործառնությունները, դադարելցրել է կոնվերսիայով փոխանցումներ կատարել։ Գործառնությունները դադարեցվել են Երեկ՝ մարտի 3-ից։ Սահմանափակումները չեն ազդել ԱՄՆ դոլարի վրա, ասվում է դեպոզիտարիայի հայտարարությունում։

13։19։ Հյուսիսային երկրների նախարարների խորհուրդը որոշել է կասեցնել համագործակցությունը Ռուսաստանի և Բելառուսի հետ։

13։19։ Պետդուման օրենք է ընդունել ֆիզիկական անձանց համար ոսկու ձուլակտորների գնման ԱԱՀ-ի վերացման մասին (այժմ այն ​​կազմում է 20%)։

13։18։ Ամերիկյան պրոցեսորների խոշորագույն արտադրող AMD ընկերությունը հայտարարել է Ռուսաստան և Բելառուս մատակարարումները կասեցնելու մասին։

13։17։ Պետդուման օրենք է ընդունել ռուսական ընկերությունների բաժնետոմսերում և պետական ​​արժեթղթերում ԱԲՖ-ի (ФНБ) միջոցների տեղաբաշխման մասին։

13։10։ Ռուսաստանի գործունեությունը Բալթիկ ծովի երկրների խորհրդում դադարեցվել է Ուկրաինայի շուրջ ստեղծված իրավիճակի պատճառով, հայտնել է Լատվիայի ԱԳՆ-ն։

13:07. Պետդուման, որպես «հակաճգնաժամային փաթեթի» մաս, ընդունել է օրենք, որը Ռուսաստանի կառավարությանը իրավունք է տալիս անհապաղ բարձրացնել կենսաթոշակների հավելավճարները և որոշումներ կայացնել դրա ինդեքսավորման վերաբերյալ:

13:00. «Ռոսկոմնադզորը» ՌԻԱ Նովոստիին հայտնել է, որ «Ամերիկայի ձայնի» (ճանաչված է որպես ԶԼՄ օտարերկրյա գործակալ), «BBC»-ի, «Deutsche Welle»-ի, «Meduza»-ի (ճանաչված է որպես ԶԼՄ օտարերկրյա գործակալ), «Radio Liberty»-ի (ճանաչված է որպես ԶԼՄ օտարերկրյա գործակալ) կայքերը և նրանց նախագծերն արգելափակված են Ուկրաինայում ռազմական գործողության մասին ֆեյքերի տարածման պատճառով։

12:53։ Լուկաշենկոն հայտնել է, որ այսօր Պուտինի հետ քննարկել է Ուկրաինայում տիրող իրավիճակը և պատժամիջոցները։

12:49։ Պետդուման օրենք է ընդունել կապիտալի համաներման չորրորդ փուլի մասին։

12:44։ ՄԱԳԱՏԷ․ Զապորոժիեի ԱԷԿ-ի վեց ռեակտորների անվտանգության համակարգերը չեն վնասվել, ճառագայթման արտանետում չի եղել։

12:30. S7-ը մարտի 5-ից չեղարկում է բոլոր միջազգային չվերթները, հայտնում է ընկերությունը։

12։24։ Crypto Exchange Coinbase-ը չի արգելում պլատֆորմի օգտագործումը Ռուսաստանի այն քաղաքացիների կողմից, ովքեր ներառված չեն պատժամիջոցների ցուցակներում, ասել է գործադիր տնօրեն Բրայան Արմսթրոնգը։

12։23։ Օկլադնիկովա. Ֆինանսների նախարարությունը ակնկալում է, որ սառեցված պահուստները հասանելի կդառնան Ռուսաստանի Դաշնության Կենտրոնական բանկին բանակցություններից հետո, կառավարությունը դեռևս բավարար միջոցներ ունի:

12։22։ Ֆինանսների փոխնախարար Իրինա Օկլադնիկովա. գերատեսչությունը կուժեղացնի տարածաշրջանային բյուջեների մոնիտորինգը և անհրաժեշտության դեպքում կտրամադրի աջակցություն:

12։18։ Panasonic-ը դադարեցնում է առևտրային գործարքները Ռուսաստանի հետ, հայտարարել է ընկերությունը:

12:09. Խոսեպ Բորելը չի ​​բացառել, որ Եվրամիությունը դադարեցնի ռուսական էներգառեսուրսների ներկրումը Ուկրաինայում ռազմական գործողության հետ կապված։

12:07. Պետդուման առաջին ընթերցմամբ ընդունել է քաղաքացիների և ՓՄՁ-ների կրկնակի վարկային արձակուրդների մասին օրինագիծը։

12:04. Զելենսկի. Ուկրաինայի և Ռուսաստանի միջև բանակցություններում հիմնական խնդիրը եղել է զենքի որոշակի տեսակների չտեղակայումը, այլ ոչ թե ապաազգայնականացումը։

12:03. Խինշտեյն. Կեղծիքների համար պատժի մասին օրենքը վերաբերում է ոչ միայն Ռուսաստանի Դաշնության քաղաքացիներին:

12:00. Պետդուման առաջին ընթերցմամբ ընդունել է պատժամիջոցների տակ գտնվող քաղաքացիներին ու բիզնեսին աջակցելու միջոցների մասին օրինագիծը։

11։47։ Դաշնային խորհրդի Սահմանադրական կոմիտեն առաջարկել է հաստատել ՌԴ Զինված ուժերի մասին կեղծիքների համար քրեական օրենսգրքով պատժելու մասին օրենքը։

11։41։ The Village-ի ռուսական գրասենյակը փակվում է. «Խմբագրությունն ապահով է և աշխատում է Վարշավայից»,- հաղորդում է հրատարակությունը։

11։39։ Սթոլթենբերգ. ՆԱՏՕ-ն Ուկրաինայի հակամարտության կողմ չէ և չի փնտրում Ռուսաստանի հետ պատերազմ, բայց կավելացնի իր ներկայությունը Ռուսաստանի Դաշնության սահմաններին։

11:38. ԴՀԾ-ն (ФАС) «գների բարձրացման հրապարակային անհիմն կանխատեսումների» համար նախազգուշացումներ տալու ժամկետը 10 օրից կնվազեցնի մինչև 2 օրվա։

11:34. Ռուսաստանի ԱԳՆ. այլ պետությունների քաղաքացիների նկատմամբ Ռուսաստանի պատժամիջոցները պետք է ավելի հրապարակային լինեն.

11։32։ Շվեդական Bonava դեվելոփերը դադարեցնում է գործունեությունը Ռուսաստանի Դաշնությունում։

11։24։ ՄԻԽ-ի ղեկավար Ֆադեև. ՄԻԽ-ն սկսում է մի նախագիծ՝ արևմտյան լրագրողներին և հասարակական գործիչներին փոխանցելու հավաքագրված հավաստի տեղեկատվությունը Ուկրաինայում տեղի ունեցողի մասին։

11։22։ Ռուսական երկաթուղիները կազմակերպում են ավելի քան 1100 լրացուցիչ նստատեղեր Ադլերից, Անապայից, Նովոռոսիյսկից և Կրասնոդարից գնացքներում:

11։20։ Znak.com-ը կասեցնում է գործունեությունը.

«Մենք՝ Znak.com առցանց հրատարակության խմբագիրներս, հայտարարում ենք փակման մասին։ Մենք դադարեցնում ենք մեր աշխատանքը Ռուսաստանում ԶԼՄ-ների աշխատանքի համար վերջերս ի հայտ եկած մեծ թվով սահմանափակումների պատճառով»,- հայտարարել է հրատարակությունը։

11։10։ S7-ը դադարեցնում է թռիչքները դեպի Թաիլանդ և շուտով կսկսի արտահանել իր թռիչքներով Պհուկետ մեկնած ռուս զբոսաշրջիկներին, ասել է Ռուսաստանի գլխավոր հյուպատոսը ՌԻԱ-Նովոստիին։

11:00. Ռումինիան ՆԱՏՕ-ին առաջարկել է ընդլայնել իր ռազմական ներկայությունը Ռուսաստանի Դաշնության սահմանին և ավելացնել ռազմական ծախսերը ՀՆԱ-ի 2%-ից մինչև 2,5%, հայտնում է ԱԳՆ-ն։

10։59։ Տոկոսադրույքների կտրուկ աճից հետո ՎՏԲ-ն մեկ շաբաթում ներգրավել է 1,2 տրիլիոն ռուբլու ավանդ, հայտնում է բանկը:

10:55։ Swarovski-ն դադարեցնում է վաճառքը Ռուսաստանի տարածքում.

10։49։ Intel-ը պաշտոնապես դադարեցրել է բոլոր մատակարարումները Ռուսաստան և Բելառուս, ասվում է ընկերության կայքում։

10։48։ Շոլց. Ուկրաինայի և Վրաստանի՝ ՆԱՏՕ-ին անդամակցելու մերժումը ճիշտ որոշում է, Ուկրաինայի, Վրաստանի և Մոլդովայի մուտքը ԵՄ այն հարցը չէ, որ այժմ քննարկվում է։

10։41։ Կրիպտոարժույթների Binance բորսան չի սառեցնի ռուսաստանցիների հաշիվները, հայտնում է Reuters-ը։

10։38։ Նորվեգիան սառեցնում է Ռուսաստանի հետ համագործակցությունը գիտության և կրթության ոլորտում, հայտնել են Նորվեգիայի նախարարների կաբինետում։

10։37։ Porsche-ն դադարեցրել է ավտոմեքենաների մատակարարումները Ռուսաստան.

10:30. Վոլոդին. Արևմտյան ՏՏ ընկերությունները մեր դեմ օգտագործվում են որպես զենք, նրանք տարածում են երկպառակություն և սուտ, մենք առաջին հերթին նրանցով պետք է զբաղվենք։ Իսկ հաջորդ շաբաթ մենք կզբաղվենք տնտեսության կայունացմամբ։

10:29: Վոլոդին. Կեղծիքների մասին օրինագիծն անմիջապես կուղարկվի Դաշնության խորհուրդ, այնուհետև կդրվի նախագահի սեղանին։

10։23։ Պետդուման միանգամից երեք ընթերցմամբ ընդունել է փոփոխություններ Ռուսաստանի Դաշնության Քրեական օրենսգրքում․ Ուկրաինայում ռազմական գործողության մասին կեղծիքների համար պատժելու, Ռուսաստանի Դաշնության զինված ուժերը վարկաբեկելու և պատժամիջոցներ կիրառելու կոչերի մասին:

10։21։ Մարտի 5-ին, 7-ին և 8-ին Մոսկվայի բորսայի բոլոր շուկաներում առևտուր և հաշվարկներ չեն իրականացվի։

10։20։ BRICS-ի երկրների (Բրազիլիա, Ռուսաստան, Հնդկաստան, Չինաստան և Հարավային Աֆրիկա) կողմից ստեղծված Զարգացման նոր բանկը դադարեցնում է նոր գործարքները Ռուսաստանում, հայտնել են ֆինանսական հաստատությունից:

10։17։ Բելոուսով. Ռուսաստանի Դաշնությունից օտարերկրյա որևէ ընկերության ամբողջական դուրս գալը կընկալվի որպես կանխամտածված սնանկություն։ Կկիրառվի սնանկության արագացված ընթացակարգ։

10։14։ Բելոուսով. Ռուսաստանի կառավարությունը միջոցներ կձեռնարկի զբաղվածությանն աջակցելու համար՝ կապված ռուսական շուկայից արտասահմանյան ընկերությունների հեռանալու հետ։

10։11։ Դոլարի և եվրոյի փոխարժեքը Մոսբիժայի բացմանը աճում են համապատասխանաբար մինչև 114 ռուբլի և 125 ռուբլի, վկայում են բորսայի տվյալները։

10:06. «Յանդեքս»-ը նախազգուշացրել է իր բաժնետոմսերի առուվաճառքի դադարեցումից հետո դեֆոլտի ռիսկի մասին։ Հայտարարության մեջ ընկերությունը նշել է, որ եթե իրենց պարտատոմսերի մի մասի սեփականատերերն մարտի 4-ին օգտվեն պահանջելու իրենց իրավունքից, Yandex-ը չի կարողանա կատարել իր պարտքային պարտավորությունները։ Խոսքը 0,25 տոկոսով բոնդերի մասին է՝ 25 մլրդ գումարի չափով 2025 թվականին մարման ժամկետով։

«Յանդեքսի» ներկայացուցիչը «Կոմերսանտին» պարզաբանել է, որ ընկերությունն իր հաղորդագրության մեջ զգուշացրել է «տեսականորեն հնարավոր ռիսկերի մասին, ինչպես պարտավոր է անել»։

10:04. Դանիական Maersk-ը կասեցնում է առաջին անհրաժեշտության ապրանքներով բեռնարկղերի փոխադրման նոր պատվերների ընդունումը դեպի Սանկտ Պետերբուրգի, Կալինինգրադ և Նովոռոսիյսկի նավահանգիստներ և հակառակ ուղղությամբ:

9։57։ Ռուսաստանի Բանկն այսօր կանցկացնի ռեպո աճուրդ՝ 3 տրիլիոն ռուբլու սահմանաչափով, հայտնում է կարգավորիչը։

9։39։ Մոսկվայի բորսան արգելք է սահմանել արժույթի և արժեթղթերի շուկաներում եվրոյով կարճ վաճառքի համար։

9։37։ Շինարարության և մեքենաշինության համար ծրագրային ապահովման խոշորագույն մշակող Autodesk-ը կասեցնում է աշխատանքը Ռուսաստանում՝ կապված Ուկրաինայում ռազմական գործողության հետ, ասվում է ամերիկյան ընկերության կայքում։

9։35։ Ուկրաինայի միջուկային կարգավորման պետական ​​տեսչության տվյալներով՝ Զապորոժիեի ԱԷԿ-ը հայտնվել է ռուս զինվորականների վերահսկողության տակ։

9։20։ Մոսկվայի օդանավակայաններում հետաձգվել է 29 չվերթ, չեղարկվել՝ 109-ը։Այսպիսի տվյալներ է ներկայացնում Yandex.Schedule-ը ժամը 8:50-ի դրությամբ։

9։16։ Միշուստինը հրամանագիր է ստորագրել ֆերմերների համար արտոնյալ ներդրումային վարկերի վճարումները 6 ամսով հետաձգելու մասին, որոնց ժամկետը լրանում է այս տարի։ «Այսպիսով, գյուղմթերք արտադրողները կկարողանան կրճատել ամսական վճարումների չափը և նվազեցնել վարկային բեռը», - հաղորդում է կառավարության մամլո ծառայությունը։