հաղթելուենք
26-06-2020 15:32

ԲՀԿ-ական պատգամավորներն իրենց դիմումի թղթային տարբերակը հանձնեցին ՍԴ

ԲՀԿ պատգամավորներն այսօր առավոտյան Սահմանադրական դատարանին թղթային տարբերակով 26 պատգամավորրի ստորագրությամբ հանձնեցին իրենց դիմումը, որով վիճարկվում է Սահմանադրությունը փոփոխելու մասին խորհրդարանի կողմից ընդունված նախագծի սահմանադրականությունը:
Նա նշեց, որ սահմանված ընթացակարգերով կան աշխատակարգեր, դիմումը կքննվի և կորոշվի` վարույթ կընդունվի՞, թե՞ ոչ, կորոշվի առավելագույնը 15 օրվա ընթացքում:

Դիտարկմանը, թե դիմում ներկայացնելու համար առնվազն 27 ստորագրություն է պետք, Զոհրաբյանը նշեց, որ իրավական հանրությունն այդ հարցում բաժանվել է երկու մասի. «Եկեք ո´չ ես գնահատական տամ՝ իրավաչափ է, թե՝ ո´չ, որ էլ իշխանական նախարարները, ովքեր իրենց գործը թողած, երեկ դարձել էին Էյնշտեյնն ու մաթեմատիկական հաշվարկներ էին անում: ՍԴ-ն կորոշի՝ վարույթ ընդունում է, թե՝ ոչ»,-ասաց Զոհրաբյանը:

Հիշեցնենք, որ «Լուսավոր Հայաստան» խմբակցության պատգամավոր Տարոն Սիմոնյանը երեկ լրագրողների հետ զրույցում ասել էր, որ ԼՀԿ-ն կմիանա ԲՀԿ-ի դիմումին, եթե նոր դիմում գրվի երկու խմբակցությունների կողմից առաջ բերված կետերով:

«ԲՀԿ խմբակցությունը դիմում է ներկայացրել, որտեղ մեկ կետով էր հակասահմանադրականությունը վիճարկվում, մենք առնվազն երեք կետ էլ պետք է ավելացնենք, այսինքն՝ պետք է նոր դիմում գրել: Եթե մեր գործընկերները պահպանեն իրենց ստորագրությունները, ապա մենք կմիանանք, երկու խմբակցությունների ստորագրությամբ նոր դիմում կգնա ՍԴ»,-ասել էր նա:
Նշենք, որ ՍԴ դիմելու համար անհրաժեշտ է պատգամավորների ընդհանուր թվի մեկ հինգերորդի ստորագրությունը։ 132 պատգամավորի մեկ հինգերորդը կազմում է 26.4։

 

 

Արմինե Գևորգյան

ԱԱԾ –ն ապրում է մեր տանը․Նաիրա Զոհրաբյան
Խորհրդարանը որոշել է սահմանադրական փոփոխությունների նախագիծը դնել հանրաքվեի
ԲՀԿ – և ԼՀԿ–ն չեն մասնակցի ՍԴ դատավորի քվերակությանը
ԲՀԿ –ն և ԼՀԿ չեն մասնակցում ԱԺ արտահերթ նիստին
7 պատգամավոր պետք է վայր դնի մանդատը. Արարատ Միրզոյանը սուրհանդակ է ուղարկել Գագիկ Ծառուկյանի մոտ