Իշխանության 100 օրը լրանալուց հետո իշխանություններն անցնում են նոր մակարդակի, սպասվում են արագացված բարեփոխումներ. Այս մասին հինշաբթի օրը կառավարության նիստի ժամանակ հայտարարեց վարչապետ Նիկոլ Փաշինյանը:
«Այս 100 օրվա ընթացքում մենք լուծեցինք մեր հիմնական խնդիրները, հետհեղափոխական շրջանում ապահովեցինք իշխանության սահուն անցումն ու տնտեսության բնականոն զարգացումը», - ասաց նա:
Վարչապետը նշեց, որ բարեփոխումների նոր փուլին անցնելը հարկավոր է այն բանի համար, որ երկրի տնտեսությանը նոր շունչ տրվի, «երկրորդ արագություն» բացվի:
«Հուսով եմ, որ այս 100 օրվա, որի արդյունքները կամփոփվեն վաղը՝ հանրահավաքի ժամանակ, ընթացքում կուտակված եռանդը, թույլ կտա մեզ նոր ուժերով լուծել այն խմդիրները, որոնք մեր առաջ են դնում Հայաստանի քաղաքացիները», - ասաց վարչապետը:
Ավելի վաղ Gisher.news գրել էր այն մասին, որ ապրիլի 13-ից հանրապետությունում ընթացող լայնածավալ բողոքի ակցիաների արդյունքում ապրիլի 23-ին Հայաստանի վարչապետ Սերժ Սարգսյանը հայտարարեց իր հրաժարականի մասին: Նույն օրը Հայաստանի նախագահ Արմեն Սարգսյանն ընդունեց կառավարության հրաժարականը: Ազգային ժողովը մայիսի 8-ին կայացած հատուկ նիստի ժամանակ երկրորդ փուլով վարչապետ ընտրեց Հայաստանի ընդդիմության առաջնորդ Նիլոլ Փաշինյանին:
Նիկոլ Փաշինյանն օգօստոսի 17-ին հանրահավաք է հրավիրել Հանրապետության հրապարակում իր կառավարման առաջին 100 օրվա արդյունքներն ամփոփելու նպատակով:
Բավ է պառակտվել