Հայաստանն ու Ադրբեջանը հայտարարել են զինադադարի մասին համաձայնության մասին, որը ձեռք է բերվել Ռուսաստանի Դաշնության միջնորդությամբ։
Հայաստանն ու Ադրբեջանը համաձայնել են դադարեցնել կրակը Մոսկվայի միջնորդությամբ, հայտնում է ՀՀ ԱԳՆ մամուլի ծառայությունը:
Արտաքին գործերի նախարարությունը հաստատեց տեղական ժամանակով ժամը 10: 00-ից հրադադարի ռեժիմի վերականգնմաբ մասին համաձայնությունը, նշելով, որ հրադադարը հիմնականում պահպանվում է:
Ավելի վաղ հայտնի էր դարձել ռուսական կողմի` կրակը դադարեցնելու առաջարկի մասին։ Ադրբեջանի պաշտպանության նախարարությունը նույնպես հայտարարել էր իր համաձայնության մասին:
Հուլիսի 28 -ի առավոտյան ժամը 4 -ի սահմաններում Ադրբեջանի զինված ուժերը գրոհել են սահմանի հյուսիսարևելյան ուղղությամբ տեղակայված հայկական դիրքերը (Սոթք - Վերին Շորժա): Ժամը 08: 30-ի դրությամբ հայկական կողմն ունի երեք զոհ և երկու վիրավոր: Բաքուն դեռևս հայտնել է ընդամենը երկու վիրավորի մասին:
Հայաստանի և Ադրբեջանի սահմանին իրավիճակը սրվեց մայիսի 12-ին: Ադրբեջանցի զինվորականները գտնվում են Հայաստանի Սյունիքի մարզի Սև լճի տարածքում՝ փորձելով ամրապնդել դիրքերը հայկական տարածքների հաշվին: Նմանատիպ իրավիճակ է Գեղարքունիքի մարզում՝ Վարդենիսի մերձակայքում: Պարբերաբար միջադեպեր են տեղի ունենում պետական սահմանի տարբեր հատվածներում: Մայիսի 25 -ին տեղի ունեցած փոխհրաձգության արդյունքում զոհվել է Հայաստանի զինված ուժերի պայմանագրային զինծառայող:
Հուլիսի 14-ի գիշերը հակառակորդն արդեն կրակ էր վարում Երասխի ուղղությամբ՝ փորձելով դիքային առաջխաղացում իրականացնել։ Հայաստանի զինված ուժերը ձախողել են այս փորձերը, բայց փոխհրաձգության արդյունքում հայ զինվոր է զոհվել: