Նախագահ Սերժ Սարգսյանի հրամանագրով, Էդվարդ Նալբանդյանը վերանշանակվել է ՀՀ արտգործնախարարի պաշտոնում։ Համապատասխան հրամանագիրը Ս.Սարգսյանը ստորագրել է հոկտեմբերի 3-ին։
Նալբանդյանը ՀՀ արտաքին գործերի նախարար է նշանակվել 2008-ի ապրիլին։
Ավարտել է Մոսկվայի Միջազգային հարաբերությունների պետական ինստիտուտը։
Տարբեր տարիներին աշխատել է Լիբանանում ԽՍՀՄ դեսպանությունում, ԽՍՀՄ արտաքին գործերի նախարարությունում, Եգիպտոսում ԽՍՀՄ, ապա՝ Ռուսաստանի դեսպանության խորհրդական, Եգիպտոսում Հայաստանի գործերի հավատարմատար, Եգիպտոսում ՀՀ դեսպան, Մարոկկոյում և Օմանում ՀՀ դեսպան, Ֆրանսիայում ՀՀ դեսպան, Իսրայելում, Վատիկանում և Անդորրայում ՀՀ դեսպան: