Բա՛վ է պառակտվել
28-10-2019 18:57

Հայաստանի ԱԺ նախկին նախագահ Արա Բաբլոյանին մեղադրանք է առաջադրվել երկու հոդվածով

Հայաստանի ԱԺ նախկին նախագահ Արա Բաբլոյանին մեղադրանք է առաջադրվել։ Այս մասին նա անձամբ տեղեկացրեց լրագրողներին ՀՔԾ-ից դուրս գալուց հետո։

“Հայտարարել եմ, որ մեղադրանքն ապօրինի է, ինչ արել եմ, արել եմ Սահմանադրության և օրենքների սահմաններում, որևէ նախնական պայմանավորվածություն չի եղել, ամեն ինչ եղել է այնպես, ինչպես միշտ աշխատել է Ազգային ժողովն”,-ասաց նա ։

Միաժամանակ, Բաբլոյանը հրաժարվեց հայտնել, ինչ մեղադրանք է իրեն ներկայացվել, ասելով, որ մանրամասները կհայտնի փաստաբանը։

ԱԺ նախկին նախագահի փաստաբան Արամ Վարդևանյանն, իր հերթին հայտնեց որ մեղադրանքն առաջադրվել է երկու հոդվածով։

“Առաջինը՝ իշխանության յուրացում, 300-րդ հոդված, որը Հայաստանի պատմության մեջ երբևէ չի կիրառվել։ Երկրորդը՝ հոդված 314-րդ, պաշտոնեական կեղծիք։ Բնական է, որ ոչ մի կետով մեղադրանքը չենք ընդունում, համարում ենք դրանք անհիմն”,- ասաց նա։

Փաստաբանը նշել է, որ իրավական տեսանկյունից մի շարք հարցեր են ծագում, մասնավորապես՝ մեղադրանք ներկայացնելիս հաշվի չի առնվել Բաբլոյանի պատգամավորական անձեռնմխելիության փաստը։

Հոկտեմբերի 22-ին Հայաստանի հատուկ քննչական ծառայությունը տեղեկացրել է, որ Հայաստանի ԱԺ նախկին նախագահ Արա Բաբլոյանը ներգրավվել է որպես կասկածյալ ՀՀ քրեական օրենսգրքի 300-րդ հոդվածի 1-ին մասով (իշխանության յուրացում), իսկ խորհրդարանի աշխատակազմի ղեկավարի նախկին տեղակալի ժ․պ․ Արսեն Բաբայանին մեղադրանք է ներկայացվել այդ հանցագործությանը մասնակցելու և պաշտոնեական կեղծիք կատարելու համար։

ՀՔԾ-ում նշել են, որ Արսեն Բաբայանը կեղծ հիմքեր է ստեղծել ՍԴ նախագահ Գագիկ Հարությունյանի ազատման դիմումը ներկայացնելու փաստը հրապարակելու համար, որը ԱԺ խոսնակ Արա Բաբլոյանը ստորագրել է 2018թ․մարտի 2-ին Սահմանադրական դատարանի լիոզորությունները յուրացնելու նպատակով։ Սա, իր հերթին, հիմք է հանդիսացել Հարությունյանի լիազորությունները դադարեցնելու, իսկ հետագայում՝ Հայաստանի Հանրապետական կուսակցության պատգամավոր Հրայր Թովմասյանին այդ թափուր պաշտոնի համար առաջադրելու և նշանակելու համար։

Հոկտեմբերի 23-ին Բաբլոյանը հայտարարել է, որ ստորագրել է ազատման դիմումը 208թ մարտի 2-ին, այն դեպքում, երբ իր առջև դրված է եղել Գագիկ Հարությունյանի դիմումը՝ 2018թ․ մարտի 1-ի ամսաթվով։

Դատախազությունը չի հաստատել ԱԺ նախկին խոսնակ Արա Բաբլոյանի մեղադրական եզրակացությունը
Ինձ կարող են մի բանում մեղադրել, որ ես նպաստել եմ Նիկոլ Փաշինյանի իշխանության գալուն։ Արա Բաբլոյան
ՊԵԿ նախագահ Դավիթ Անանյանը հրաժարական է ներկայացրել
Թորոսյանը փոխանակ Facebook–ում մեծամտությամբ ու ցինիզմով մրցեր, ավելի լավ էր աշխատեր
Ծանր վիճակում ունենք 391 հոգի, ծայրահեղ ծանր՝ 59 հոգի, թոքերի օդափոխության սարքին միացված է 15 հոգի. (Տեսանյութ)