Բա՛վ է պառակտվել
14-10-2019 15:44

Փորձագետը նշել է սիրիահայ բնակչության անվտանգության գրավականը

Սիրիայի հյուսիսարևելյան շրջանի հայ բնակչության անվտանգության հարցը կարող է լուծում գտնել միայն Հայաստանի և տեղի հայ համայնքի կազմակերպության ուժերի միավորմամբ, երկուշաբթի մամլո ասուլիսի ժամանակ ասել է Երևանի պետական համալսարանի հայագիտության ամբիոնի հայ-քրդական հարաբերությունների գծով փորձագետ Սարգիս Գրիգորյանը։

Հոկտեմբեր 9-ին, Թուրքիայի նախագահ Ռեջեփ Թայիփ Էրդողանը հայտարարել է Սիրիայի հյուսիս-արևելքում Քրդիսատնի աշխատավորական կուսակցության և “Իսլամական պետության” դեմ “Խաղաղության ակունք” անվանումով ռազմական գործողությունների մեկնարկի մասին։ Թուրքիան ռմբակոծել է Թել Աբյադ քաղաքը, ուր մշտապես բնակվևմ է 16 հայ ընտանիք։ Բացի այդ, հարձակման է ենթարկվել նաև Ղամիշլին, որտեղ նույնպես բազմաթիվ հայեր են ապրում։

“Ստեղծված իրավիճակի բարդությունը և անկանխատեսելիությունը պահանջում են առավելագույն զգուշություն և օպերատիվ արձագանքում։ Սիրիայի հայկական համայնքը և Հայաստանի իշխանությունները պետք է համաձայնեցնեն բոլոր գործողությունները իրենց հայրենակիցների անվտանգության ապահովման համար և նախապես ձեռնարկեն միջոցներ նրանց տարհանումն իրականացնելու նպատակով՝ իրավիճակի սրման դեպքում”,- ասել է Գրիգորյանը։

Ըստ նրա, ՀՀ արտաքին գործերի նախարարության դիրքորոշումը Սիրիայի հայ բնակչության անվտանգությունն ապահովելու հարցում բավականին կշռադատված և օպերատիվ էր, այն համապատասխանում էր ինչպես Հայաստանի պետական, այնպես էլ տեղի համայնքների շահերին:

«Սիրիան բազմադավան և բազմազգ երկիր է, որտեղ հայ բնակչությունն ունի իր նշանակությունն ու կարգավիճակը: Սիրիայի վերաբերյալ Հայաստանի բոլոր պաշտոնական հայտարարությունները կամ գործողությունները պետք է համաձայնեցվեն տեղի համայնքի հետ, որպեսզի չվնասենք մեր հայրենակիցներին”, - ասել է նա:

Այս համատեքստում Գրիգորյանը նշել է նաև, որ Սիրիայում հայկական ռազմական առաքելության անհրաժեշտություն չկա:

“Մենք այս երկրում մարդասիրական առաքելություն ենք իրականացնում 2019-ի փետրվարից ի վեր, և կարիք չկա ռազմական ներկայության, որը կարող է հղի լինել լուրջ զարգացումներով ոչ միայն տեղի հայ համայնքի, այլև հենց Հայաստանի համար: Ես բացառում եմ, որ գերտերություններից որևէ մեկը կարող է անգամ առաջարկել Հայաստանին նման մասնակցություն”, - ասել է նա:

Երևանի պաշտոնական դիրքը

Ինչպես հայտարարել է ՀՀ արտաքին գործերի նախարարության Մերձավոր Արևելքի և Աֆրիկայի վարչության պետ Արմեն Մելքոնյանը, Սիրիայի հյուսիս-արևելքում թուրքական զինված ուժերի կողմից գնդակոծված թուրքական բնակավայրերից հայ բնակչությանը տարհանելու խնդիր դեռևս դրված չէ: Դեսպանատունը մշտական կապի մեջ է այնտեղ ապրող հայերի հետ ՝ գրեթե ամեն ժամ թարմացնելով իրավիճակի մասին տեղեկատվությունը:

Ավելի վաղ, Հայաստանի արտգործնախարարությունը դատապարտել էր Սիրիայի հյուսիս-արևելքում Թուրքիայի ռազմական ներխուժումը: Հայտարարության մեջ նշվել է, որ ռազմական ներխուժումը կհանգեցնի տարածաշրջանային անվտանգության հետագա վատթարացման, քաղաքացիական բնակչության շրջանում կորուստների, գաղթականների մեծ հոսքի և, ի վերջո՝ նոր հումանիտար ճգնաժամի:

Ըստ Հայաստանի արտգործնախարարության, Սիրիայի հյուսիս-արևելյան մասում հայերը հիմնականում ապրում են Ղամիշլի քաղաքում: Համաձայն վերջին տվյալների `քաղաքում կա 400-420 հայ ընտանիք կամ 3000 մարդ: 10-15 ընտանիք ապրում է նաև Թել Աբյադում, մի քանի ընտանիք՝ Ռաս ալ-Այնում:

Փաշինյանն ացելել է Մխիթարյան միաբանություն և ծանոթացել ջրհեղեղի հետևանքների հետ (տեսանյութ)
Գրոհայինները կարող են Հայաստանի տարածքը որպես տարանցիկ ճանապարհ օգտագործել․ ԱԽ քարտուղար
Մոսկվան ու Երևանը չեն կարող գործել միմյանց դեմ․Փաշինյան (Տեսանյութ)
Ես այն կարծիքին չեմ, որ իմ ներկայացրած օրենսդրական նախագծերը մատաղի նման ընդունելի պիտի լինեն
Սերժ Սարգսյանին կարող են հրավիրել 2016թ Ապրիլյան պատերազմի քննիչ հանձնաժողովի նիստին