Երուսաղեմը պետք է դառնա Պաղեստինի մայրաքաղաք: Նման առաջարկով է հանդես եկել Թուրքիայի նախագահ Ռեջեփ Թայիփ Էրդողանը, հաղորդում է Reuters- ը:
Ըստ Թուրքիայի առաջնորդի՝ աշխարհի երկրներին այս որոշմանը պետք է մղեն Իսրայելի «ահաբեկչական գործողությունները»:
«Ոտնահարելով միջազգային նորմերը՝ Միացյալ Նահանգները Երուսաղեմը ճանաչեցին որպես Իսրայելի մայրաքաղաք: Բավական է մի քանի քայլ անել այնտեղ՝ հասկանալու, որ քաղաքը բռնազավթված է: Իսրայելը ահաբեկչական պետություն է: Ահաբեկիչ զինվորականները բռնում են երեխաներին և նետում բանտ: Ես ձեզ կոչ եմ անում ճանաչել Երուսաղեմը որպես Պաղեստինի գրավյալ պետության մայրաքաղաք», - փոխանցում է ՌԻԱ Նովոստին Ստամբուլում Իսլամական համագործակցության կազմակերպության արտահերթ գագաթնաժողովում արված Էրդողանի հայտարարությունը:
ԱՄՆ նախագահ Դոնալդ Թրամփը դեկտեմբերի 6-ին հայտարարեց Երուսաղեմը որպես Իսրայելի մայրաքաղաք ճանաչելու մասին: Նա նաև հանձնարարեց Պետդեպարտամենտին սկսել աշխատանքներ ԱՄՆ դեսպանատունը Թել Ավիվից Երուսաղեմ տեղափոխելու ուղղությամբ: Համաշխարհային շատ առաջնորդներ քննադատել են այս որոշումը: Հաջորդ օրը Գազայի հատվածը վերահսկող ՀԱՄԱՍ-ը կոչ արեց նոր ապստամբություն սկսել Իսրայելի դեմ:
Դեռևս Թրամփի որոշումից առաջ Անկարան խոստացավ խզել հարաբերությունները Իսրայելի հետ, եթե Երուսաղեմը ճանաչվի որպես իր մայրաքաղաք:
Իսրայելը Երուսաղեմը հայտարարել է իր մայրաքաղաք 1949 թվականի Անկախության պատերազմի ավարտից հետո: 1967 թվականին, Վեցօրյա պատերազմից հետո, նա գրավեց Արևելյան Երուսաղեմը և միավորեց այն Արևմտյան Երուսաղեմի հետ, բայց ՄԱԿ-ը դա չճանաչեց: Իսրայելի հետ դիվանագիտական հարաբերություններ ունեցող երկրների դեսպանությունները տեղակայված են հիմնականում Թել Ավիվում, Ռամաթ Գանում և Հերցլիայում:
Gisher.News - ի խմբագրությունը ցանկանում է իր կողմից հավելել, որ զենք վաճառելով Թուրքիային և Ադրբեջանին և նման վտանգավոր պահին բիզնես անելով ՝ իսրայելցիները շուտով կառերեսվեն իրենց զենքի հետ: