Բավ է պառակտվել
03-11-2022 22:56

Երևանն ու Բաքուն պայմանավորվել են արագացնել սահմանների սահմանազատման հանձնաժողովների համատեղ գործունեության կարգի համաձայնեցման աշխատանքները

Հինգշաբթի օրը Բրյուսելում տեղի է ունեցել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության ու Հայաստանի Հանրապետության միջև պետական սահմանի սահմանազատման պետական հանձնաժողովի երրորդ նիստը՝ ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի նախագահությամբ: Այս մասին հայտնում են ԱԳՆ մամուլի ծառայությունից։

Գրիգորյանն ու Մուստաֆաևն իրենց ողջույնի խոսքում երախտագիտություն են հայտնել ԵՄ խորհրդին հանդիպման լավ կազմակերպման համար։

Հաշվի առնելով Հայաստանի Հանրապետության և Ադրբեջանի Հանրապետության ղեկավարների մակարդակով տարբեր ձևաչափերում ձեռք բերված պայմանավորվածությունները՝ կողմերը շարունակել են սահմանազատման հարցերի քննարկումը, անդրադարձ են կատարել կազմակերպչական և ընթացակարգային հարցերի։

Հանձնաժողովների համատեղ գործունեության իրավական շրջանակների ձևավորման նպատակով՝ կողմերը պայմանավորվել են արագացնել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության ու Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության կարգի համաձայնեցման աշխատանքները: Կողմերը պայմանավորվել են աշխատանքային կարգով որոշել հանձնաժողովների չորրորդ նիստի անցկացման ամսաթիվը և վայրը

Հիշեցնենք, որ Հայաստանի և Ադրբեջանի փոխվարչապետներ Մհեր Գրիգորյանի և Շահին Մուստաֆաևի գլխավորած հանձնաժողովների առաջին նիստը տեղի է ունեցել մայիսի 24-ին հայ-ադրբեջանական պետական սահմանի Երասխ-Նախիջևան հատվածում, իսկ երկրորդը՝ օգոստոսի 30-ին Մոսկվայում։

Մոսկվան վերահաստատում է իր պատրաստակամությունը օգնելու Բաքվին և Երևանին սահմանների սահմանազատման հարցում. Զախարովա
Բաքուն և Երևանը փոխանակվել են գերիների ցուցակներով
Խովաևը Երևանի և Բաքվի հետ քննարկում է հայ-ադրբեջանական հաշտության պայմանագրի հարցերը․ ՌԴ ԱԳՆ
Երևան-Բաքու թռիչքի տեղեկության հետքերով
Մոսկվան Երևանին և Բաքվին կառաջարկի եռակողմ գագաթաժողով անցկացնել