Բավ է պառակտվել
12-01-2023 13:23

Երևանը դեկտեմբերի 23-ին Մոսկվայում Բաքվի հետ բանակցությունների լավ հնարավորություն է բաց թողել․ Զախարովա

ՌԴ ԱԳՆ պաշտոնական ներկայացուցիչ Մարիա Զախարովան կարծում է, որ հայկական կողմը լավ հնարավորություն է բաց թողել` Մոսկվայում 2022թ.–ի դեկտեմբերի 23–ին ադրբեջանցիների հետ բանակցությունների հերթական փուլն անցկացնելու համար։

Զախարովայի կարծիքով, այդ հանդիպումը կարելի էր օգտագործել խնդրահարույց սյուժեները, այդ թվում` Լաչինի միջանցքում տիրող իրավիճակը քննարկելու համար։

«Բայց, ինչևէ, մեր առաջարկը մնում է ուժի մեջ, մենք պատրաստ ենք հարթակ տրամադրել Հայաստանի և Ադրբեջանի ԱԳ նախարարների բանակցությունների համար», – նշել է նա հինգշաբթի ճեպազրույցի ժամանակ։

Զախարովան ընդգծել է, որ ՌԴ–ին անխոս մտահոգում է վերջին շաբաթվում Բաքվի և Երևանի հարաբերություններում նկատվող բացասական միտումները, կտրուկ հռետորաբանության ակտիվացումն ու մեղադրանքների փոխանակումը, ինչն ուղեկցվում է տարածաշրջանում լարվածության աճով։

«Կոչ ենք անում ադրբեջանական և հայկական կողմերին դրսևորել բարի կամք և համատեղ փնտրել փոխզիջումներ։ Մենք դրան ամեն կերպ կաջակցենք», – ասել է նա։

2022 թվականի դեկտեմբերի 23-ին Մոսկվայում նախատեսված էր Հայաստանի և Ադրբեջանի ԱԳ նախարարների հանդիպումը խաղաղության պայմանագրի շուրջ.

Ավելի վաղ Զախարովան հայտնել էր․ «Դրա համաձայնությունը տրվել է երկու երկրների ղեկավարների կողմից։ Դրա համար ամեն ինչ պատրաստվել էր: Բայց հենց Հայաստանի ղեկավարությունը վերջին պահին չեղարկեց Հայաստանի արտաքին գործերի նախարար Միրզոյանի այցը։ Դա խանգարեց քննարկել ոչ միայն խաղաղության պայմանագիրը, այլև հայ–ադրբեջանական կարգավորման այլ օրհասական հարցեր, այդ թվում` իրավիճակը Լաչինի միջանցքի շուրջ»։

Մոսկվան վերահաստատում է իր պատրաստակամությունը օգնելու Բաքվին և Երևանին սահմանների սահմանազատման հարցում. Զախարովա
Մոսկվան Երևանին և Բաքվին կառաջարկի եռակողմ գագաթաժողով անցկացնել
Երևանում հայտնել են Բաքվի և Մոսկվայի հետ եռակողմ խմբի աշխատանքի կասեցման մասին
Երևան - Բաքու - Անկարա երկխոսություն. ռուս քաղաքագետի կարծիքը, վիճելի հարցերի շուրջ և ի՞նչն է խանգարում Փաշինյանին
Հայտնի է Մոսկվայից դեպի Երևան նախատեսված նոր չարտերային չվերթների ժամանակացույցը