ՍԴ դատավոր Էդգար Շաթիրյանը ՍԴ աշխատանքային նիստի ավարտից հետո լրագրողներին հայտնել է, որ առաջադրված միակ թեկնածուն՝ Երվանդ Խունդկարյանը, չի ստացել անհրաժեշտ թվով կողմ ձայներ, հետևաբար չի ընտրվել ՍԴ նախագահ:
«Մասնակցել եմ քվեարկությանը: Առաջադրված միակ թեկնածուն անհրաժեշտ թվով կողմ ձայներ չի հավաքել: Հետևաբար,՝ «ՍԴ մասին» օրենքին և ՍԴ աշխատակարգին համապատասխան սահմանված ժամկետում կկազմակերպվեն և կանցկացվեն ՍԴ նախագահի նոր ընտրություններ, կլինեն նոր առաջադրումներ»,- ասել է Շաթիրյանը:
Շաթիրյանի խոսքով՝ փոխնախագահի ընտրությունը հետաձգվել է աշխատանքային ժամի ավարտի կապակցությամբ: Այն կշարունակվի երկուշաբթի, ժամը 11.00-ին: