Բաքվի բանտերում պահվող հայ ռազմագերիների հետ հանդիպելու հնարավորություն կա։ Այս հնարավորությունը պետք է օգտագործել, ասել է «Պատիվ ունեմ» ընդդիմադիր խմբակցության ղեկավար Հայկ Մամիջանյանը։
«Եվրանեսթի խորհրդարանական վեհաժողովի հաջորդ նստաշրջանը տեղի կունենա աշնանը Բաքվում։ Բաքու մեկնելու իր հնարավորության պարագայում կանեմ ամեն բան, որպեսզի հանդիպեմ այսօրվա դրությամբ Բաքվի բանտերում պահվող հայ ռազմագերիներին։ Այս հարցի հետ կապված ես դեռեւս մեկ տարի առաջ եմ նամակով դիմել Ադրբեջանի Միլի Մեջլիսի խոսնակին։ Սա ևս մեկ հնարավորություն է, որը թույլ կտա մեզ այցելել մեր տղաներին և տեղեկանալ նրանց վիճակի մասին»,- հինգշաբթի օրը խորհրդարանում ճեպազրույցի ժամանակ ասել է Մամիջանյանը։
2023 թվականի հունվարին Հայաստանի արտգործնախարար Արարատ Միրզոյանը ԵԱՀԿ Մշտական խորհրդի արտահերթ նիստի ժամանակ հայտարարեց, որ Ադրբեջանում դեռևս 33 հայ բանտարկյալ է պահվում, որոնց Բաքուն հրաժարվում է հանձնել Երևանին։