Սա ցեղասպանություն է, հայտարարել է ԱՄՆ Կոնգրեսի մարդու իրավունքների հանձնաժողովի համանախագահ Քրիստոֆեր Սմիթը, մեկնաբանելով իրավիճակը Լեռնային Ղարաբաղում։
«Սա սարսափելի հանցագործություն է, ցեղասպանություն է` որն իրականացվում է Ադրբեջանի իշխանությունների եւ բռնապետ (Ադրբեջանի նախագահ Իլհամ՝ խմբ․) Ալիևի կողմից», Հայտարարել է Սմիթը ԱՄՆ Կոնգրեսի` Թոմ Լանթոսի անվան Մարդու իրավունքների հանձնաժողովում Արցախի հարցով հրավիրված լսումների ժամանակ:
Նրա խոսքով՝ 120 հազար էթնիկ հայեր տառապում են Ադրբեջանի կառավարության պատճառով: Ադրբեջանն ուզում է Արցախն ընդգրկել Ադրբեջանի մեջ, նա դրան փորձում է հասնել ցեղասպանության միջոցով:
Սմիթը հայտնել է, որ Արցախում մարդու իրավունքների հետ կապված նոր օրինագիծ են պատրաստում, որը պետք է հնարավորինս արագ ընդունել։ եւ այժմ աշխատում են այդ ուղղությամբ:
Նա շեշտել է, որ ԱՄՆ-ի կողմից Ադրբեջանին ցանկացած աջակցություն կդիտվի որպես հանցակցություն:
