Բավ է պառակտվել
01-03-2022 20:09

Եվրախորհրդարանը հավանություն է տվել Ուկրաինայում Ռուսաստանի ռազմական գործողությունը դատապարտող բանաձևին

Եվրախորհրդարանի (ԵԽ) պատգամավորները հավանություն են տվել Ուկրաինայում Ռուսաստանի ռազմական գործողությունը դատապարտող բանաձևին, որտեղ կոչ է արվում կոշտ պատժամիջոցներ սահմանել Մոսկվայի դեմ։ Փաստաթղթի քվեարկությունը տեղի է ունեցել երեքշաբթի օրը Բրյուսելում Եվրախորհրդարանի արտակարգ լիագումար նիստում։

«Եվրախորհրդարանը խստագույնս դատապարտում է Ռուսաստանի Դաշնության անօրինական, չհիմնավորված և չարդարացված ռազմական ագրեսիան Ուկրաինայի դեմ և ներխուժումն, ինչպես նաև Բելառուսի մասնակցությունն այդ ագրեսիային»,- ասված է բանաձևի տեքստում։ Պատգամավորները կոչ են արել ԵՄ-ին նոր կոշտ պատժամիջոցներ կիրառել Ռուսաստանի դեմ, այդ թվում՝ «դրանց թիրախ դարձնելով տնտեսության և ռազմարդյունաբերական բազայի ռազմավարական թուլացումը և դրանով իսկ [նվազեցնելով] Ռուսաստանի Դաշնության՝ ապագայում միջազգային անվտանգությանը սպառնալու կարողությունը»:

Բացի այդ, Եվրախորհրդարանի պատգամավորները կարծում են, որ Ռուսաստանը պետք է փոխհատուցի հատուկ գործողության ընթացքում Ուկրաինայի ենթակառուցվածքին հասցված վնասը։ «Եվրախորհրդարանը ընդգծում է, որ Ռուսաստանի Դաշնությունը պատասխանատու է ուկրաինական ենթակառուցվածքների, ներառյալ քաղաքացիական օբյեկտների և բնակելի շենքերի, ինչպես նաև զգալի տնտեսական կորուստների համար, և պետք է փոխհատուցի իր ագրեսիվ գործողությունների հետևանքով պատճառված վնասը»,- ասված է բանաձեւում։

Դիվանագիտական ​​ներկայացուցչությունների կրճատում

Եվրախորհրդարանի պատգամավորները կոչ են արել Եվրամիությանը կրճատել Ռուսաստանի դիվանագիտական ​​և հյուպատոսական ներկայացուցչությունների թիվը ԵՄ երկրներում՝ կապված Ուկրաինայում Ռուսաստանի հատուկ ռազմական գործողության հետ։

«Եվրախորհրդարանը կոչ է անում կրճատել Ռուսաստանի դիվանագիտական ​​և հյուպատոսական ներկայացուցչությունների թիվը ԵՄ-ում և անդամ երկրներում, հատկապես այնտեղ, որտեղ դա ուղղակիորեն կազդի զինված ուժերի ներկայացուցիչների վրա»,- ասվում է փաստաթղթում։

Նավթի և գազի ներմուծման սահմանափակումներ

Պատգամավորները նաև կոչ են արել ԵՄ-ին սահմանափակել Ռուսաստանից նավթի և գազի ներկրումը, ինչպես նաև փակել միության բոլոր նավահանգիստները ռուսական նավերի համար։

«Եվրախորհրդարանը, մասնավորապես, կոչ է անում սահմանափակել ռուսական առանցքային ապրանքների, այդ թվում՝ նավթի և գազի ներմուծումը», - ասվում է դրանում։

Բացի այդ, պատգամավորները պահանջել են «փակել Եվրամիության նավահանգիստները ռուսական նավերի համար» և «արգելել մուտքը դեպի ԵՄ բոլոր նավահանգիստներ այն նավերին, որոնց վերջին կամ հաջորդ մուտքի նավահանգիստը գտնվում է Ռուսաստանի Դաշնությունում, բացառությամբ այն դեպքերի, երբ դա անհրաժեշտ է հիմնավորված: մարդասիրական պատճառներով»։

Ինչ է տեղի ունենում Ուկրաինա ռուսական զորքեր մտցնելուց հետո: Քրոնիկոն․ օր իններորդ
Մեդինսկին ասել է, որ Ռուսաստանի սպասումները Ուկրաինայի հետ բանակցություններից չարդարացան
Ռուսաստանից, Ուկրաինայից և Բելառուսից տասնյակ հազարավոր մարդիկ են ժամանել Հայաստան
Պաշտպանություն թե փորձեր։ Ինչու՞ են ամերիկացիներին կենսաբանական լաբորատորիաներ անհրաժեշտ Ռուսաստանի սահմանների մոտ
Հայաստանն Անդրկովկասում Ռուսաստանի առանցքային դաշնակիցն ու գործընկերն է․ ՌԴ ԳՇ պետ