Ֆրանսիայի Եվրոպայի և արտաքին գործերի նախարար Կետրին Կոլոնան և ԱՄՆ պետքարտուղար Էնթոնի Բլինքենը հեռախոսով քննարկել են հայ-ադրբեջանական հարաբերությունները։
Ինչպես հայտնում է Ֆրանսիայի ԱԳՆ կայքը, զրուցակիցները պայմանավորվել են ամփոփել հակամարտության կարգավորման ուղղությամբ շարունակվող ջանքերը և ընդգծել Լաչինի միջանցքով ազատ տեղաշարժի անհապաղ վերականգնման անհրաժեշտությունը։
Կոլոնան և Բլինքենն անընդունելի են համարել ներկայիս շրջափակման լուրջ հումանիտար հետևանքները Լեռնային Ղարաբաղի բնակչության համար։ «Ֆրանսիան և ԱՄՆ-ը կմիավորեն ուժերը՝ կարգավորելու այս իրավիճակը վարչապետ Փաշինյանի և նախագահ Ալիևի միջև շփումների միջոցով»,- ասվում է մամուլի հաղորդագրությունում։