Երկուշաբթի Հայաստանի Անվտանգության խորհրդի քարտուղար Արմեն Գրիգորյանն ընդունել է ԵԱՀԿ Մինսկի խմբի ֆրանսիացի համանախագահ Բրիս Ռոքֆոյին, հայտնում է գերատեսչության մամլո ծառայությունը։
ԱԽ քարտուղարն ընդգծել է ԵԱՀԿ Մինսկի խմբի համանախագահության հովանու ներքո Լեռնային Ղարաբաղի հիմնախնդրի համապարփակ ու տևական կարգավորման անհրաժեշտությունը:
Այս համատեքստում համանախագահ Ռոքֆոյը ևս շեշտել է Ֆրանսիայի շահագրգռվածությունը ԵԱՀԿ Մինսկի խմբի ձևաչափի պահպանման և Լեռնային Ղարաբաղի հիմնախնդրի կարգավորման հարցում:
Զրուցակիցները հանդիպման ընթացքում մտքեր են փոխանակել ինչպես տարածաշրջանային հարցերի, այնպես էլ Հայաստանի ու Ադրբեջանի միջև գոյություն ունեցող անվտանգային հիմնախնդիրների վերաբերյալ:
Հայտարարություն ԵԱՀԿ ՄԽ մասին
Ռուսաստանի արտգործնախարար Սերգեյ Լավրովը ապրիլի 8-ին ասել է, որ Միացյալ Նահանգները և Ֆրանսիան «ռոսոֆոբոյի շմոլքի» մեջ չեղյալ են հայտարարել ղարաբաղյան կարգավորման հարցով ԵԱՀԿ Մինսկի խմբի համանախագահությունը, «հայտարարելով, որ իրենք չեն շփվի մեզ հետ այդ ձևաչափի շրջանակնում»:
Հաջորդ օրը ԱՄՆ Պետդեպարտամենտը հայտարարեց խաղաղության պայմանագիր կնքելու և ղարաբաղյան հակամարտության հարցերի լուծման նախաձեռնություններում Հայաստանին և Ադրբեջանին աջակցելու պատրաստակամության մասին: