Բավ է պառակտվել
17-10-2022 19:00

Հայաստանի արտգործնախարարը ԵՄ առաքելության անդամների հետ քննարկել է դրա լիազորություններն ու տեղակայման վայրերը

Հայաստանի ԱԳ նախարար Արարատ Միրզոյանը երկուշաբթի ընդունել է ԵՄ տեխնիկական գնահատման առաքելության անդամներին, տեղեկացնում է արտգործնախարարության մամլո ծառայությունը։

Առաքելության անդամները ներկայացրել են մինչ այս Հայաստանում տեղի ունեցած հանդիպումների ու այցելությունների արդյունքները։

Կողմերը քննարկել են հոկտեմբերի 6֊ի պրահյան հայտարարության համաձայն Հայաստան-Ադրբեջան սահմանի երկյանքով տեղակայվելիք ԵՄ մշտադիտարկման առաքելության լիազորությունների, տեղակայման վայրերի և այլ մանրամասները։

ԵՄ մշտադիտարկման առաքելության նպատակն է լինելու նպաստել տարածաշրջանում անվտանգության և կայունության վերականգնմանը, վստահության կառուցմանը և սահմանային անվտանգության ու սահմանազատման հանձնաժողովների աշխատանքներին։

Կարևորելով ԵՄ մշտադիտարկման առաքելության տեղակայումը՝ Միրզոյանը կարծիք է հայտնել, որ դրա դիտարկումները և վերլուծությունները կարևոր դեր կկատարեն նաև իրավիճակի վերաբերյալ ԵՄ անդամ երկրներին օբյեկտիվ տեղեկատվություն տրամադրելու գործում։

ԵՄ դեսպանները համաձայնել են քաղաքացիական առաքելություն ուղարկել Հայաստան․ աղբյուր
ԵՄ-ն հայտարարություն է տարածել Հայաստանի և Ադրբեջանի միջև սահմանի սահմանազատման հարցերով հանձնաժողովների հանդիպման վերաբերյալ
Հայաստանի արտգործնախարարը ռազմագերիների հարազատներին ներկայացրել է հայրենադարձության տարվող աշխատանքները
Հայաստանում ընտրությունները եղել են ազատ և թափանցիկ․ ԱՊՀ դիտորդական առաքելություն
ԵՄ-ն մտահոգված է Հայաստանի և Ադրբեջանի միջև լարվածության աճով