Բավ է պառակտվել
01-10-2021 12:35

Նյու Յորքում հանդիպումները փաստում են ղարաբաղյան հակամարտության խաղաղ քաղաքական կարգավորման արդիականությունը․ Հայաստանի արտգործնախարար

ԵԱՀԿ Մինսկի խմբի համանախագահների և Ադրբեջանի արտգործնախարար Զեյհուն Բայրամովի հետ Նյու Յորքում կայացած հանդիպումները փաստում են, որ ղարաբաղյան հակամարտության խաղաղ քաղաքական կարգավորումը մնում է օրակարգում: Այս մասին ուրբաթ օրն ասել է Հայաստանի արտգործնախարար Արարատ Միրզոյանը Չեխիայի արտաքին գործերի նախարար Յակուբ Կուլհանեկի հետ հանդիպումից հետո կայացած համատեղ ճեպազրույցի ժամանակ։

«Ես կցանկանայի կարևորել սեպտեմբերի 23-ին Նյու Յորքում ԵԱՀԿ Մինսկի խմբի համանախագահների հետ հանդիպումն, ինչպես նաև Ադրբեջանի արտգործնախարարի հետ սեպտեմբերի 24-ին կայացածհանդիպումը՝ համանախագահների միջնորդությամբ և մասնակցությամբ, որոնք կրկին հաստատում են, որ հակամարտության խաղաղ քաղաքական կարգավորումը մնում է օրակարգում », - ասաց նա:

Նախարարն ընդգծեց, որ հանդիպումների ժամանակ վերահաստատել է ԵԱՀԿ Մինսկի խմբի համանախագահների ձևաչափով ղարաբաղյան հակամարտության խաղաղ կարգավորման լիարժեք գործընթացը վերսկսելու Հայաստանի պատրաստակամությունը` հայտնի սկզբունքների և տարրերի հիման վրա:

Հայաստանի արտգործնախարար Արարատ Միրզոյանը Նյու Յորքում ՄԱԿ-ի Գլխավոր ասամբլեայի 76-րդ նստաշրջանի մասնակցության շրջանակներում սեպտեմբերի 23-ին հանդիպել է ԵԱՀԿ Մինսկի խմբի համանախագահներ Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և Իգոր Խովաևի (Ռուսաստան) հետ: Հանդիպմանը ներկա էր նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը: Հայաստանի և Ադրբեջանի արտգործնախարարների հանդիպումը կայացել է սեպտեմբերի 24-ին՝ ԵԱՀԿ Մինսկի խմբի համանախագահների միջնորդությամբ:

Ռուսաստանի ԱԳՆ-ն արձանագրել է որոշակի առաջընթաց ղարաբաղյան հակամարտության կարգավորման գործընթացում
Առանց Ղարաբաղի հայերի կարծիքը հաշվի առնելու հնարավոր չէ հասնել համապարփակ կարգավորման․ Տոյվո Կլաար
Պուտինն ու Էրդողանը քննարկել են ղարաբաղյան կարգավորմանն առնչվող հարցեր
ԵԱՀԿ ՄԽ համանխագահները հանդիպումներ կանցկացնեն Նյու-Յորքում, այդ թվում՝ Հայաստանի ու Ադրբեջանի ԱԳՀ ղեկավարների հետ
Ռուսաստանը և Թուրքիան կքննարկեն ղարաբաղյան հակամարտության գոտում հնարավոր բախումների ռիսկերը նվազեցման հարցը