Հոկտեմբերի 3-ին Հայաստան այցի շրջանակներում Ֆրանսիայի արտաքին գործերի նախարար Կատրին Կոլոննան կհանդիպի վարչապետ Նիկոլ Փաշինյանի հետ։
Ըստ Ֆրանսիայի արտգործնախարարության՝ Կոլոննան Հայաստանի արտաքին գործերի նախարար Արարատ Միրզոյանի հետ կտեսակցի սեպտեմբերի 19-ին Ադրբեջանի հարձակումից հետո Լեռնային Ղարաբաղից բռնի տեղահանված անձանց։
Նշվում է, որ Կոլոննան կվերահաստատի Ֆրանսիայի հավատարմությունը Հայաստանի հետ համագործակցությանը, աջակցությունը Հայաստանի ինքնիշխանությանն ու տարածքային ամբողջականությանը և կընդգծի ծայրահեղ զգոնությունը դրանց հարգանքի նկատմամբ։ Նա Հայաստանի իշխանությունների հետ կուսումնասիրի բոլոր ոլորտներում հայ-ֆրանսիական համագործակցության ամրապնդման կոնկրետ եղանակները։
Կատրին Կոլոննան կնշի Ֆրանսիայի ջանքերը՝ ի նպաստ Կովկասում արդար և հարատև խաղաղության հաստատման և Լեռնային Ղարաբաղում հայ բնակչության իրավունքների հարգման։ Այդ մասին է վկայում Ֆրանսիայի կողմից տրամադրվող մարդասիրական օգնության ծավալի եռապատկումը, որը տարեսկզբից հասել է 12,5 միլիոն եվրոյի։
