Հայաստանի արտգործնախարար Արարատ Միրզոյանը ստացել և շարունակում է ստանալ այս տարվա ընթացքում տարատեսակ միջոցառումների հրավերներ, այդ թվում՝ Անթալիայի դիվանագիտական ֆորումի։
Այսպես է պատասխանել ՀՀ ԱԳՆ մամլո խոսնակ Վահան Ունանյանը «Արմենպրես»-ի հարցին՝ կապված Թուրքիայի արտգործնախարար Մևլութ Չավուշօղլուի հայտարարության հետ, թե Հայաստանը հրավիրված է Անթալիայի դիվանագիտական ֆորումին։
«Հայաստանի արտգործնախարարությունը համապատասխան ընթացակարգով քննարկում է նախարարի՝ վերոնշյալ միջոցառումներին մասնակցության նպատակահարմարությունը։ Հանրությունը պատշաճ կերպով կտեղեկացվի կայացվելիք որոշումների մասին»,- ասել է Հունանյանը։