Հայաստանի և Ռուսաստանի ԱԳ նախարարներ Արարատ Միրզոյանը և Սերգեյ Լավրովը հինգշաբթի հեռախոսազրույց են ունեցել, հայտնում է ՌԴ ԱԳՆ կայքը։
«Արտաքին քաղաքական գերատեսչությունների ղեկավարները քննարկել են ռուս-հայկական հարաբերությունների մի շարք արդիական հարցեր, ՀԱՊԿ Հավաքական անվտանգության խորհրդի արտահերթ նստաշրջանի և ամենաբարձր մակարդակով առաջիկա երկկողմ շփումների նախապատրաստումն»,- ասվում է հաղորդագրությունում։
Հոկտեմբերի 28-ին տեղի կունենա ՀԱՊԿ Հավաքական անվտանգության խորհրդի արտահերթ նիստ, որի ընթացքում նախատեսվում է քննարկել 2022 թվականի սեպտեմբերի 15-ին ՀԱՊԿ Հավաքական անվտանգության խորհրդի որոշմամբ Հայաստան ուղարկված ՀԱՊԿ առաքելության աշխատանքի արդյունքները՝ կապված հայ-ադրբեջանական սահմանին իրավիճակի սրման հետ:, ինչպես նաեւ Հայաստանի Հանրապետությանը օգնություն ցուցաբերելու համատեղ միջոցառումները։
Նախօրեին Հայաստանի վարչապետ Նիկոլ Փաշինյանը հաստատեց հոկտեմբերի 31-ին Սոչիում ՌԴ նախագահ Վլադիմիր Պուտինի և Ադրբեջանի ղեկավար Իլհամ Ալիևի հետ եռակողմ հանդիպմանն իր մասնակցության մասին տեղեկությունը։