Հայաստանի արտգործնախարար Արարատ Միրզոյանը Թուրքիայի ԱԳ նախարար Մևլութ Չավուշօղլուի հետ հանդիպմանը քննարկել է հայ-թուրքական սահմանի բացման մանրամասները։
«Ես ևս մեկ անգամ ցանկանում եմ հաստատել Հայաստանի պատրաստակամությունն ու ցանկությունը տարածաշրջանում խաղաղություն հաստատելու, մասնավորապես՝ Թուրքիայի հետ հարաբերությունները լիովին կարգավորելու, դիվանագիտական հարաբերություններ հաստատելու և սահմանների բացման հարցում»,- ասել է Միրզոյանը։
Նա նշել է, որ Չավուշօղլուի հետ քննարկվել են այս գործընթացի մանրամասները։
«Համատեղ ջանքերով Անիի կամրջի վերանորոգման, ինչպես նաև սահմանների բացման նախօրեին ենթակառուցվածքների վերաբերյալ պայմանավորվածություն կա»,- ասել է Միրզոյանը։