Քերին ու Պուտինը խոսել են «Իսլամական պետություն» և «Ջհաբաթ ան-Նուսրա» ահաբեկչական խմբավորումների զինյալների դեմ պայքարն ուժեղացնելու անհրաժեշտության մասին, հայտնել է Պետդեպարտամենտի խոսնակ Ջոն Քիրբին:
Ռուսաստանը և Միացյալ Նահանգները կարող են անել ավելին՝ աշխարհին օգտակար լինելու համար, հայտարարել է ԱՄՆ պետքարտուղար Ջոն Քերին երեկ երեկոյան Մոսկվայում Ռուսաստանի նախագահ Վլադիմիր Պուտինի հետ հանդիպման ժամանակ:
ԱՄՆ Պետքարտուղարության փոխանցմամբ՝ Քերին նշել է, որ խոսքը ոչ միայն Սիրիայի, Ուկրաինայի խնդիրների մասին է, այլև համագործակցության մյուս պոտենցիալ ոլորտների: Նրա խոսքով՝ Ռուսաստանն ու ԱՄՆ–ը յուրահատուկ հնարավորություններ ունեն իրավիճակը դեպի լավը փոխելու գործում անձնական ավանդը ներդնելու համար։ «Հենց այդ աշխատանքը կօգնի վերափոխել մեր երկկողմ հարաբերությունները»,– ասել է Քերին: