ԱՄՆ-ը շահագրգռված է կայուն կովկասյան տարածաշրջանով։ Այս մասին ճեպազրույցում հայտարարել է ԱՄՆ Պետդեպարտամենտի պաշտոնական ներկայացուցիչ Նեդ Փրայսը։
Արձագանքելով հայտարարությանը, թե Ադրբեջանի հետ սահմանին Իսլամական հեղափոխության պահապանների կորպուսի զորավարժությունները մտավախություն են առաջացրել ադրբեջանական կողմում՝ նա ասել է։
«Դա մեկնաբանելու շատ բան չունեմ: Այս տարածաշրջանում մենք աշխատում ենք և՛ Հայաստանի, և՛ Ադրբեջանի հետ երկու երկրների միջև լարվածությունը թուլացնելու և հնարավոր լայնածավալ էսկալացիայի կանխարգելման ուղղությամբ»։
Ավելի վաղ Իրանի արտգործնախարար Հոսեյն Ամիր Աբդոլլահիանը հայտարարել էր, որ Իրանի Իսլամական Հանրապետությունը թույլ չի տա, որ Հայաստանի հետ իր հաղորդակցության երթուղին արգելափակվի, և այդ նպատակին հասնելու համար նույնպես զորավարժություն է սկսել այս տարածաշրջանում։