2023 թվականի հունվարի 1-ին Խորվաթիան միացել է Շենգենյան գոտուն։ Այս մասին ասված է Եվրամիության խորհրդի կայքում տեղադրված հաղորդագրության մեջ։ Որոշումն ընդունվել է ԵՄ անդամ երկրների քվեարկությունից հետո, հայտնում է РБК-ն։
Հունվարի 1-ից Խորվաթիայի և Շենգենյան գոտու այլ երկրների միջև ստուգումները չեղարկվում են ցամաքային և ծովային սահմանները հատելու ժամանակ։
Ներքին օդային սահմանները հատելիս ստուգւմները չեղարկվում են մարտի 26-ից։
Խորվաթիան իրավունք է ստացել տրամադրել Շենգենյան վիզաներ և օգտվել Շենգենյան տեղեկատվական համակարգից, որը տվյալներ է հավաքագրում Շենգենյան երկրներում գտնվելու կանոնները խախտած օտարերկրացիների մասին։
Խորվաթիայի՝ Շենգենյան գոտուն միանալու մասինհայտնի դարձավ 2022 թվականի դեկտեմբերին։ Խորվաթիայի վարչապետ Անդրեյ Պլենկովիչը նշել է, որ երկիրը ստացել է ԵՄ Արդարադատության և ներքին գործերի խորհրդի միաձայն աջակցությունը։ Սա, ըստ քաղաքական գործչի, առաջին հերթին օգուտ կբերի հանրապետության քաղաքացիներին ու ազգային տնտեսությանը։