Մեր բանակը նսեմացնել չի հաջողվել, որովհետևե մեծ հաշվով մեր բանակը ձախողումներ չի ունեցել, այսօր Եռաբլուրում զինվորական պանթոնում լրագրողների հետ զրույցում ասաց ՀՀ երրորդ նախագահ, ՀՀԿ առաջնորդ Սերժ Սարգսյանը:
Նախագահը նախ շնորհավորել է զինվորներին ու սպաներին, գեներալներին ու զորահրամանատարներին, քաջարի ազատամարտիկներին, հայկական բանակի վաստակաշատ վետերաններին,
«Մեր բանակը փառապանծ բանակ, հաղթական բանակ է և անկախ նրանից, որ այս բանակի ձևավորման հենց առաջին օրերից որոշ մարդիկ, այդ թվում նաև դրսի ուժերի թելադրանքով՝ փորձել են վարկաբեկել մեր բանակը, նսեմացնել մեր հաղթանակները՝ դա նրանց չի հաջողվել: Մեր բանակը մարտի դաշտում այն էլ ոչ մեկ անգամ ապացուցել է իր ունակությունը՝ պաշտպանելու Հայաստանի, հայ ժողովրդի այդ թվում նաև՝ Արցախի Հանրապետությունում ապրող մեր հարենակիցների անվտանգությունը», - ասաց Սարգսյանը:
Հանրապետության երրորդ նախագահն ընդգծեց՝ կարևոր է ամուր պահել հավատը բանակի նկատմամբ:
Հարցին, թե ինչպես կարձագանքի Նիկոլ Փաշինյանի այն հայտարությանը, թե 7 շրջանների վերադարձի համաձայություն է եղել, Սարգսյանը նշեց.«Այսինքն, դուք այդքան համառորեն ուզում եք, որպեսզի ես այս լուսավոր օրն անդրադառնամ ինչ-որ հերյուրանքների՞»։
Հիշեցնենք, որ ամփոփիչ ասուլիսի ժամանակ Փաշինյանը ներկայացրել էր, թե ինչ ժառանգություն է թողել Սերժ Սարգսյանը Արցախի հարցում, այն որ Սերժ Սարգսյանը համաձայն է եղել Արցախի յոթ շրջանների հանձնմանը:
Դիտարկմանը, թե Ձեզ են մեղադրում, Սարգսյանը բարկացավ. «Բայց ինչի եք ինձ ընդհատում, Դուք Ձեզ իրավունք եք վերապահում ինձ հարց տալու, հետո ընդհատելո՞ւ»։