Բարձրագույն դատական խորհրդի նախագահի պաշտոնակատար Գագիկ Ջհանգիրյանը հրաժարական է տվել ԲԴԽ անդամի պաշտոնից: Այս մասին տեղեկանում ենք ԲԴԽ կայքից։
Ավելի վաղ ԲԴԽ նախկին նախագահ Ռուբեն Վարդազարյանը ներկայացրել էր քրեական գործի մանրամասները, որի դերակատարներից մեկը նա է։ Հրապարակվել էր նաև Վարդազարյանի, Բարձրագույն դատական խորհրդի նախագահ Գագիկ Ջհանգիրյանը և խորհրդի անդամ Ստեփան Միքայելյանի զրույցի ձայնագրությունը (18+)։ Վարդազարյանն ընդգծել էր, որ այս ձայնագրությունը վկայում է իր դեմ հարուցված քրեական գործի քաղաքական դրդապատճառների մասին։ Նրա խոսքով՝ նա ժամանակ էր խնդրել մինչև մարտի 1-ը՝ Մոսկվա գործուղման պատճառով, որից հետո պատրաստ կլիներ հանդիպել վարչապետի հետ։ Եթե նա համաձայներ հրաժարական տալ, ապա կարող էր խուսափել քրեական հետապնդումից և կարգապահական վարույթից՝ ԲԴԽ ղեկավարությունը հանձնելով Գագիկ Ջհանգիրյանին և անցնելով դատավորի պաշտոնի։
Բավ է պառակտվել