Բա՛վ է պառակտվել
06-09-2019 15:53

Ի՞նչու այսօր քննարկվեց Ամուլսարի հարցը ․պարզաբանում է Ալեն Սիմոնյանը

«Իմ քայլը» խմբակցությունն այսօր նիստ է հրավիրել, որին մասնակցել են վարչապետ Նիկոլ Փաշինյանը և փոխվարչապետ Տիգրան Ավինյանը:
Շուրջ երկու ժամ տևած հանդիպման ընթացքում քննարկվել է միայն Ամուլսարի հանքի շահագործման հարցը՝ հանդիպումից հետո լրագրողներին ասել է ԱԺ փոխնախագահ Ալեն Սիմոնյանը, նշել, որ որևէ որոշում չի կայացվել, եղել է աշխատանքային քննարկում :
Թե ինչո՞ւ հենց այսօր քննարկվեց Ամուլսարի հարցը, Սիմոնյանը նշեց, որ հատուկ պատճառներ թնտրել պետք չէ, դա բնականոն պրոցես է:
«Լսվել են կարծիքներ, ներկայացվել է առկա իրավիճակը: Սրություն չկա, ավելի համերաշխ է անցել: Եզրահանգում չկա: Որ եզրահանգում լինի, հանրությունն այդ մասին կիմանա»,- ասաց Սիմոնյանը:
Սիմոնյանը նշել է,որ վարչապետը ներկայացրել է իրավիճակը, նրան հարցեր են ուղղվել, քննարկումն, ըստ Ալեն Սիմոնյանի, անցել է համերաշխ մթնոլորտում:
«Հանրության մեջ կան բազմաթիվ մարդիկ, որոնք դեմ են, կան բազմաթիվ մարդիկ էլ , որոնք կողմ են: Այս քննարկումները հենց նրա համար են, որ լսենք ու ճիշտ որոշումներ կայացվեն: Սա ուղղակի աշխատանքային քննարկում է մեկ նպատակի համար, որ հանրությանը ինքներս պարզաբանենք, թե որ որոշումն է ամենաճիշտը»:
Ալեն Սիմոնյանը հերքել է տեղեկությունը, թե խմբակցության նսիտի ժամանակ քննարկվել է նաև ՍԴ որոշումը: Որևէ աբնդրադարձ դրան չի եղել ՝ ասել է ԱԺ փոխնախագահը:

 

Արմինե Գևորգյան

Հայաստանի կառավարությունում քննարկել են Ամուլսարի ծրագրի հետ կապված վիճակը
«Հեռանալուս պատճառների մասին կխոսեմ հետագայում»․Վալերի Օսիպյան
Ես հրաժարական չեմ տալիս,ԱԱԾ նախկին տնօրենն էլ իմ ընկերն է․Դավիթ Տոնոյան
Փաշինյանը գիտի, թե պետությունն ինքն է․ Շարմազանով
ԱԱԾ-ի ղեկավար Արթուր Վանեցյանը հրաժարական է տվել