Բավ է պառակտվել
22-11-2022 13:44

Իրանը Ֆորդոյի միջուկային օբյեկտում ուրանի հարստացումը մինչև 60 տոկոսի է հասցրել․ լրատվամիջոցներ

Իրանը Ֆարդոյի միջուկային օբյեկտում առաջին անգամ ավելացրել է ուրանի հարստացումը մինչև 60 տոկոս: Այս որոշումն ընդունվել է ի պատասխան երկրի Ատոմային էներգիայի կազմակերպության (OAEI) կառավարիչների խորհրդի որոշման, գրում է ISNA գործակալությունը։

Երկուշաբթի՝ նոյեմբերի 21-ի առավոտյան, ուրանի արտադրությունը հասել է «կայուն մակարդակի»։

Ատոմային էներգիայի միջազգային գործակալության (ՄԱԳԱՏԷ) տվյալներով՝ նոյեմբերի սկզբին Իրանն արդեն ուներ մինչև 60 տոկոս հարստացված 62,3 կիլոգրամ ուրան, ինչը 6,7 կիլոգրամով ավելի է սեպտեմբերի պաշարներից։ Միևնույն ժամանակ, պաշտոնական Թեհրանն անջատել է իրենց միջուկային օբյեկտների շարունակական մոնիտորինգի համար նախկինում տեղադրված տեսախցիկներն, ուստի ՄԱԳԱՏԷ-ն չի կարող հստակ ասել, թե որ փուլում է գտնվում երկրում ուրանի մշակումը։

Հարստացված ուրան կարող է օգտագործվել միջուկային վառելիքի արտադրության համար, ինչի կապակցությամբ մի շարք երկրներ մտավախություն ունեն, որ Իրանը նման ծրագրեր ունի։ Նախկինում հարստացման տեմպերը զսպում էր միջուկային գործարքը (մասնակիցները՝ Մեծ Բրիտանիա, Գերմանիա, Չինաստան, Ռուսաստան, ԱՄՆ և Ֆրանսիա)։ Սակայն 2018 թվականին այն ժամանակվա նախագահ Դոնալդ Թրամփի որոշմամբ ԱՄՆ-ը դուրս եկավ գործարքից, որից հետո Թեհրանը սկսեց հետ կանգնել իր պարտավորություններից։

Իրանը հայտարարել է մինչեւ 60 տոկոս հարստացված ուրանի առաջին խմբաքանակը ստանալու մասին
Իրանը հայտարարել է ԱՄՆ ռազմական օբյեկտների վրա հարձակման մասին
ԱՄՆ դեսպանության հայտարարությունը 44-օրյա պատերազմի տարելիցի կապակցությամբ
Փաշինյանը Պուտինի հետ խոսել է Ադրբեջանի շրջափակման հետևանքով Արցախում ստեղծված ճգնաժամի մասին
ԵՄ-ն Ադրբեջանի դեմ պատժամիջոցներ կիրառելու հարցը չի դիտարկում․ Բորել